🍒مولات الحايك🍒 (مكتملة )

part 5

تتمة..
كتعرفيها وعلاش كتسولي عليها.. مريم: جدة هي عندها زوج بنات سناء وسعيدة فاش كنت كنهضر مع بنات غمو كنا ديرين كروب وكانو داخلين حتى سناء وسعيدة وتما فين تعرفت عليهم وانا وسعيدة ولينا صحابات كانت ديما كتقول ليا فاش تجي عند خالتي لخودة جي عندي ولكن مكيكتابش وهاد لمرة بغيت نمشي عندها بغيت منك حاجة صغيرة ديني عندها نشوفهم ونتعرف عليهم كثر عافاك اجدة لميمة مترديهاش فوجهي.. جدة: "من بعد ما طانت ساهية وكتفكر شوية" اش غنقول ليك ابنيتي انا اصلا عندي واحد لغراض مع جداتها لأم ديال باها وكنت كنعݣز ولكن دابا ملي كاينة نتي ما بقا عݣز ليوم انشاء الله نمشيو عندهم منها تشوفي صحبتك ومنها نقضي غراضي                        
"بارت 5"
🍷مولات الحايك 🍷
   بقلم: Good Zzila
      🧚 تميت جميع خيبات العالم في مساحة دافئة حدودها عيناك🧚

مريم:( بصدمة) واش بصح الجدة متكدبيش عليا بصح انمشيو قولي والله واااااع قولي الله واااااجدة قولي والله ههههه وااااااع واخيرا (متفاجؤوش من ردة فعل مريم حيت لخطة ديالها كانت باغة تلوا على جداتها مزيان وتعطيها حلاوة لسان باش تقبل ولكن لحظ وقف معاها ومكانتش مضطرة دير ڜحاجة فوق جهودها جداتها قبلات دغية)
جدة: (وهي كضحك) هاكيلي هاكاوا على طفلة غتموت ليا هنا هههه وسيري ابنيتي لبسي خلاص هاني نجيب البقرة نربط لكروسة ونمشيو دابا نيت يالله يالله نجمع ڜوية مع "هنو" (هنو هي جدات سعيدة)
مريم: لا اجدة منتحركش نمڜيو بزوج باڜ نقولها لولدك ومرتو قدامك والى قالو ليك لا قولي ليهم بزز منكم اتمشي متخليش ليهم فين يهضرو
جدة: ههههه هااااااحي على بنت ولدي ولكن خرجتي هههههه يالله تسناي نجيب لبقرة
مريم: واخا اجدة
مشات مريم مع حداها رجعو لدار وقالتها لماماها او باباها
لأم فطيمة: اويلي دوزي تكلسي ناس مكتعرفيهمڜ وباغة تمڜي عندهم تسطيتي لا
مريم: اويلي لماما من نيتك راك نتي لي مكتعرفيهمش وانا راني كنعرفهم كلهم راه غادة عند دار سعيدة او سناء وخالتي نعيمة
لأم: هاااأاء وانا نفهم حولك حامية فيك لبيضة قولي نتي غادة عند سعيدة ولكن لا ابنيتي دوزي تكلسي
جدة: واغير خليها تمڜئ انا غادية معاها حتال لعڜبة ونجيو
مريم: ياك سمعتي اوى هاني غادة نلبس والله ما نتفاك معاكم انا غادة پزز منكم (دارت عند باباها) بابا معندك حتى مانيع ياك وأصلا واخا يكون انا غادة عند صحبتي
لأب: تهدني ابنيتي  اصلا مغنقول ليك والو دوك ناس راه عائلتنا وكنعرفوهم غير سيري ماشي موشكيل
مريم:  (ضحكة شادة ليها من لودن حتال لودن) ههه‍هه هاني غادة نلبس حوايجي
مشات مريم لبسات نيت جلابيتها لموڤ مخزانية ودارت زيفها دارت ايلينر ماسكارا وطراسات حجبانها شوية دارت فغاجو وعكر غوز برز شفايفها لبسات لحايك ولبست سبرديلة ديالها هزات تليفونها وخرجت عند جداتها
لأم: (موجهة كلامها لمريم بخوف) ابنيتي خلي عينيك طبيعيين عافا بنيتي راه غادي غير دربك لعين
عيشة عمت مريم: لوله لوله پغيتيها تمڜي عند ناس وجها صفر داخلاها لموت اويلي
مريم: هكاك اعمتي قولي ليها (قربات حدا ماماها) عارفاك خيفة عليا (باست ليها راسها) ولكن متخافيش عليا اماما حشومة نمشي بوجهي صفر
لأم: (تنهدات) لي عجبك ابنيتي انا غير على قبلك قلت هكاك وصافي
مريم: عارفة الحنانة لي كين الله يخليك ليا وهاني مشيت الله يعونكم
خرجت عند جدة لقيتها سيبات لكروسة لي غنمشيو فيها طلعت انا وياها ومشينا

يتبع...
يتبع...