"بارت 20"
🍷مولات الحايك 🍷
بقلم: Good Zzila
🧚 تميت جميع خيبات العالم في مساحة دافئة حدودها عيناك🧚
تسريع لأحذاث ”" دازت سيمانة سي عبدالرزاق هضر مع لأب تاع مريم قال ليه حتى نسولها وفعلا سولها وهي قالت حتى نفكر هضرات مع سعيدة قالت ليها الى قلتي ليا متوافقيش مغنوافقش كيفما كان لحال كان غيون هو لي راجلك سعيدة قالت ليها بلي نساتو وحتى هو نساها ويلي غير توافق داكشي لي كان وافقت مريم وقالتها لباها وهو قالها لسي عبدالرزاق وهو قالها لمهدي ههههه فهاد سمانة وقع حذث اخر لي هو أشرف طلب يد دعاء من خوها وباها وهي وافقات وحتى خوها وباها وافقو حيت كيعرفو اشرف مزيان ليوم جمعة وغدا سبت لي غتكون فيه خطبة دعاء او أشرف داروها في لعطلة على حساب ناس باش يحضرو
فدار دعاء او أشرف ناس داخلين خارجين كنوجدو لخطبة ديال ولدهم او بنتهم لغتكون لغد ليه
اما عند مريم رجعو لدار جداها
فطيمة: مديرينش بحساب لخطبة اشنو غنلبسو
مريم: انا غادي نمشي لدار او نجيب داكشي لغنحتاجو
حسناء: وشكون غيديك
مريم: غادي نصوني لحمزة ونطلبو باش يديني ويجيبني
فطيمة: صافي مزيان عبرتي انا جيبي ليا قفطاني لݣري لي منبت او بلغتي ذهبية وزيف ذهبي
حسناء: انا جيبي ليا قفطاني ديال لحزام لخضر ملاكي وسندالتي لبيضة او شي زيف كيف ما كان
وصال: انا جيبي ليا جلابتي الحمرة وبلغتي لكحلة وجيبي معاك لبلاك نصيب بيه شعري
مريم: صافي واخا انا غادي نمشي عند لكوافورة
فطيمة: راه غادي تعطلي لخطبة مع ثلاتة غادي تبدا امتا غتمشي نتي
مريم: غدا نمشي انعيط لحمزة دابا ونقول ليه يجي مع ديك 8 يالله يالله نوصل ونجمع ليكم حوايجكم ونمشي عند لكوافورة حسنا واش غتعري شعرك
حسناء: اه غنعريه
فطيمة: ونتي امريم اش اتلبسي
مريم: ماما انا انلبس داك لقفطان لي كانت عطاتو ليا طاطا لكرونة
فطيمة: اويلي راه معري هذاك
مريم: واخا معري غادي نلبسوا ميمكنش نبقا خازناه
فطيمة: دويت معاك لا هي لا صافي سالينا
مريم: "بحزن" حشومة عليك اماما واش انا شريتو باش نبقا خازناه والله حتى غادي نلبسو
فطيمة: "بعطف" ابنيتي راكي عارفة دغيا كتشد فيك لعين الى قلت ليك متلبسيهش ماشي على قبل حيت معري غير على قبلك نتي في لمدينة ماشي موشكيل تلبسيه ولكن لعروبيا ناس غير كيحنزو
مريم: غير خليني نلبسو غادي نحضي راسي والله اماما
فطيمة: لي بغيتي ابنيتي انا غير خايفة عليك
مريم: (قربات عندها وباست ليها يدها وراسها) عارفاك الحب خايفة عليا ربي اخليك ليا اماماتي زينة
مشات مريم صونات على حمزة وعلماتو باش يجي ليها بكري هو أصلا عندو شي بلان حدا لبلاصة لي فين ساكنة مريم داكشي علاش غيديها
لغد ليه فاقت مريم مع 7 كلشي فاق اصلا فطرو لبسات جلابيتها ودارت لحايك وخرجات..
......
🔱تصبحو فأمان الله البنيات🔱
أنت تقرأ
🍒مولات الحايك🍒 (مكتملة )
Adventure🔱 حَـــصْـــرِيــــاً عَـــلَـــى شَـــاشَـــتِـــكُـــمْ🔱 ❌ممنوع النشر بدون اخد لإذن من الكاتبة❌ سلام عليكم الماساتي.. كيف ديرين توحشتكم غبرت بزاف شوية ورجعت عوتاني، جبت معايا قصة قصيرة حصرية من بعد قصة "ذكريات الماضي" القصة بعنوان: مولات الحايك�...
