🍒مولات الحايك🍒 (مكتملة )

part 2

"بارت 2"
🍷مولات الحايك 🍷
   بقلم: Good Zzila
      🧚 تميت جميع خيبات العالم في مساحة دافئة حدودها عيناك🧚

من بعد ما تغدا كلشي ناضو جمعو داكڜي وغسلو لماعن وخرجو تاني كل وحدة مشات لدارها باش مع ديك 3:00 يخرجو لربيع يكلسو فيه وكانو متافقين باش يديو معاهم اتاي قهوة وداكشي حيت ضروري غيجيهم جوع اوى اسيادي هالي طيب لبطبوط هالي دار مسمن معمر هالي دار مسمن ديال لفران هالي دار قهوة لحليب اتاي زيت لعود زدبة كاشير لفرماج كوفيتر... وزيد وزيد خرجو تاني وهازين لقفاف فيديهم ديال لماكلة مشاو تاني دوزو ديك لعشية ضحك ونشاط ونميمة شادين فهذا وفداك راكم عارفين فاش كيتجمعو جيران شيطان كيقول لمرتو هزي لي قسم الله وتبعي لعيالات تعلمي منهم ما ينفعك اوى ماعلينا رجع كل واحد لدارو فدار لبطلة ديالنا مجموعين على كسكروط (بين قوسين بلاما نقول لݣوتي ديريكت كسكروط حيت فلول قلت ليكم لقصة مغربية عادية واقعية مافيهاش خيال)
لأب حسن: هي دوزتوه‍ا ليوم من تردة لمسمن والبطبوط معرفت ديك المعدة عندكم واش معدة نيت ولا تجارة وصناعة الموارد البشريه
لأن فاطمة: اوى الله يستر واتبعنا تا في ماكلتنا تا تابع غا ولادك وجرانك وكتقول (بدلت صوتها على شكل راجل) باربي سلامة تابعينا على كيكة دخلناها 😒
لأب حسن: الله يستر ولا حول ولا قوه الا بالله
لأم فطيمة: تبارك الله على لفقيه ديالنا راه قال ليك "لفقيه لي تسناو براكتو دخل لجامع ب بلغت" ولكن راه قالوها ناس زمان رجلة عندها ميزان ولكن لغالب الله حنا مشنا لا ميزان لا مكيال
لأب حسن: (شاف تا عيا وقال وهو كيطلع وهبط فيها) اوى راه قالو تاني زين لوجه كيزول وزين لعقول كيطول ولي خاف على زينو يسقيه بالمعقول وكي شفت نتي مساقياهش بالمعقول ساقياه غا ب لاول تردة لي كيشيط عليكم
لأم فطيمة: اوى حشاك الوليدي راك ديتي زين ولحداكة عندك زهر قبلت بيك
حسناء: اييييه صراحة ديتي زين ولحداكة ولقلب لكبير مكينش ما حسن من ماما
لأم: هكاك ابنيتي قولي ليه
لأب: ههههه وييييه صراحة مكدبتوش ماعلينا  وجدو راسكم غدا غادي نمشيو عند الواليدة ندوزو معاها هاد لعطلة
مريم: حق بالله واااااع واخيرا
حسنا: معرفتش اش عجبك تما (قربات حداها ودوات) ولكن باينة ناوية على شي حاجة
مريم: اش كتقولي نتي مكين والو نتي عارفاني كيعجبني نمڜي تما واخا مكنخرجوش بزاف ولكن (دارت ععند باباها) والله ما نتفاك معاك غادي دورنا على لعائلة كاملة
لأب: صوفي كوني هانية اصلا حنا غادين باش نبدلو لجو وفنفس لوقت ندورو على خوالاتي وخوالي
لأم: مزيان نيت نبداو لجو ڜوبة
مريم: (وهي كتبلاني فراسها)  صافي انا بعدا انوض ندوش ونجمع حوايجي (ناضت من حداهم وهي مزال كتفكر دخلت لبيت) غادي ندير المستحيل وغادي نجي عندك هههتتمة...🔱
هههه ياربي تعاوني نلقا شي خطة ههههه يس يس يس واخيرا ..هزات تليفونها وسيفطت ميساج لسعيدة 💬سعيدة فاش تقراي لميساج صوني ليا ضروري ابنت لحرام الأمر عاجل💬 جمعات حوايجها لي غتلبس من بعد ما دوش وداكشي نيت لي كان فاش سلات لقات ميساج من عند سعيدة دارت سبة وطلعت تنشر لپينوار طلعت معاها تليفون صونات لسعيدة لخرى معطلتهاش جوبات فالبلاصة                                  

يتبع...