"بارت 12"
🍷مولات الحايك 🍷
بقلم: Good Zzila
🧚 تميت جميع خيبات العالم في مساحة دافئة حدودها عيناك🧚
سعيدة: مريااااااااام متجريش
كانو مصدومين من داكشي لي شافو كنت انا طيحة فالأرض قدامي گان حنش كبير كحل بقا كيشوف فيا انا كنت مصدومة غير كنبكي
مريم: اهئ اهئ اهئ اهئ اهئ عافاكم عونوني غنموت ديرو شي حاجة اهئ اهئ سعييييدة أناس أشرف جداااااااا واااعتقوني (حاولت نوقف ولكن فاش وقفت بحال الى عطيت لحنش إشارة باش يتالاح عليا مع تلاح مع جرني مهدي دغيا وفنفس لوقت أناس وأشرف لاحو واحد شبكة على لحنش باش ميهربش وفعلا بابات سعيدة جاب مقدة اوشاقور وأشرف وأناس حتى هما جابو داكشي باش يقتلوه وفعلا قتلوه قسموه طراف طراف
أما انا گنت مخشية فمهدي غنموت بالخلعة كنبكي وهو معنقني زيرني ليه حيت مكنتش فحالة مزيانة طول ديك لمدة لي كانو كيقتلو فالحنش كنت انا مخشية فمهدي حتى واحد ما شك ولا قالو حشومة بالعكس كانو عارفين بلي حالتي خيبة يعني مداو مجابو جات جدة أو دادا هنو خالتي نعيمة كيهدنو فيا
جدة: مريم ابنيتي شوفي متخافيش راه مات دوري شوفي فيه باش متبقايش مخلوعة
مريم: (انا كنت مزال مخشية فمهدي غنموت بالخوف) لا لا مبغيتش مبغيتش خليني
دادا هنو: ابنيتي متخافيش غير ضوري شوفي فيه دغيا صافي غير باش متبقايش مخلوعة ومصدومة غير دوري عافا بنيتي هاحنا معاك
مريم: لاا لا لا لا عافاك عافاك مبغيتش عافاك ادادا خليني منقدرش غادي ندور وغادي يتلاح عليا والله غير خليني مبغيتش مبغيتش
أشرف: مريم تهدني ودوري شوفي موقع والو صافي راه قتلنا زمر صافي متخافي...
مريم:(قاطعتو) ولاااااأا لااااا بعد مني بعد منقدرش راه غنموت بعدو مني صافي (محدي وانا كنزير على مهدي هزيت عينيا فيه كان غير مقابل ليا عينيا كيفاش حمرين ودموع شلال وجهي حمار حالتي ولات خيبة دويت معاه وقلت) مهدي عأفاك مبغيتيش عافاك منقدرش اهئ اهئ اهئ اهئ
مهدي: (حط يديه على وجهي) متخافيش انا شاد فيك مغيوقع ليك والو اصلا هو مات متخافيش خاصك غير دوري شوفي فيه من بعد ندخلو لدار
مريم: اهئ اهئ اهئ اهئ منقدرش( شفت بيه واحد شوفة طيحات منو نص بقيت فيه بزاف لام راسو حيت هو سبب كون مخلانيش نمشي مكانش غيوقع هكا) منقدرش عافاك اهئ اهئ اهئ ( شد لي من يديا هو وأشرف وقربوني حداه وانا لاسقة فيهم وكنبكي وكنغوت مبغيتش مابغيتش وقفوني ضور ليا راسي بزز وانا كنطلب فيه ولكن متسوقوش مع حليت عينيا وشفت داك لحنش فديك الحالة تصدمت ترخيت بين يديه عرفني سخفت دغيا هزني ودخلوني الدار داز لوقت حليت عينيا لقيت سعيدة وجدة وخالتي نعيمة ودادا هنو بقاو كيهضرو معايا باش يشوفو واش قدرت نخرج من ديك لحالة ولا راني باقة ولكن كنت كنهضر عادي... يتبع التتمةوتصرفت عادي بحال الى موقع والو. تنسا هاد لموضوع وبقيت مجمعة انا وسعيدة كان ديك ساعة قريب المغرب توضيت صليت لعاصر لي فاتني ولمغرب عاد كلسنا مجموعين تاني اما جدة ودادا هنو رجعو لخيمة تاع مي نضنا انا وسعيدة عونا خالتي نعيمة في لعشا حيت هاد ليلة غادي تجي سناء او عدوستها او راجلها او طفلتها نقينا ليها لخضرة ديال كسكسو خالتي نعيمة عيطات ليها جارتها ومشات عندها خلات لكوكوت يالله كيتقلا فيها دجاج وداكشي مشات نعيمة ونسات راسها ولكن كملت ليها انا فاش تفكرات جات كتجري لقاتني كملتو انا بقات غير تفويرة لخرى ويسݣيو علاما تجي سناء وناسها دعات معايا بالرضا وطلات على داكشي زادت تأكدات بلي داكشي متقون
الى هنا تنتهي نشرتنا
�تصبحو في أمان الله�..
أنت تقرأ
🍒مولات الحايك🍒 (مكتملة )
Adventure🔱 حَـــصْـــرِيــــاً عَـــلَـــى شَـــاشَـــتِـــكُـــمْ🔱 ❌ممنوع النشر بدون اخد لإذن من الكاتبة❌ سلام عليكم الماساتي.. كيف ديرين توحشتكم غبرت بزاف شوية ورجعت عوتاني، جبت معايا قصة قصيرة حصرية من بعد قصة "ذكريات الماضي" القصة بعنوان: مولات الحايك�...
