🍒مولات الحايك🍒 (مكتملة )

part 21

حمزة لي جا وصلها لدار.. حمزة: معاش دابا غادي نرجع ليك ..مريم: معرفتش انا دابا غادي نجمع لحوايج ونعيط لكوافورة نشوفها معاش اتجي ..عيطات مريم لكوافورة لي كتمشي عندها بزاف ..حمزة: اش قالت ليك ..مريم: قالت ليا اتحل مع 11:30 ..حمزة: اواه بزاف علاه امتا بغيتي تمشي توجدو راسكم ..مريم: معاش نتا اتسالي لبلان لي عندك ..حمزة: تقريبا مع ديك 10 وغيخصني ضروري نمشي ديك ساعة
..التاريخ: 11‏/03‏/2023
موضوع: 21

"
      🧚 تميت جميع خيبات العالم في مساحة دافئة حدودها عيناك🧚

مريم: صافي دابا نتا سير وفاش تسالي جي نعطيك لحوايج لي غادي ليهم وديهم معاك وانا انبقا حتى نسالي ونشد طاكسي
حمزة: لا ميمكنش اتعطلي
مريم: معندي مندير بلاما تشطن راسك غير سير نتا
حمزة: ميمكنش هانتي شوفي عندي واحد لبلان اخر ناخد لحوايج نديهم معايا ياك ومن بعد نرجع ليك
مريم: اويلي لا انبقا غادي جاي حشومة
حمزة: ديك لهضرة زيديها فيك لموهيم نتي سربي دغيا عند لكوافورة دي معاك حوايجك باش فاش نجي اندوز ديريكت حدا لمدرسة ونتي هبطي عندي ونمشيو
مريم: صافي واخا ياك حتى نتا غادي لخطبة
حمزة:  اه راه غادين كاملين حتى دراري خوتي  او لواليدة
مريم: صافي مزيان
حمزة: شوفي راه رشيد خويا جاي من كازا ياك غيدوز لدار عاد يمشي حتى هو يقدر يديك معاه فطونوبيل
مريم: واش بصح صافي مزيان فاش تمشي قولها لماما قول ليها فاش يوصل لوقت غير سيرو وانا غانجي مع رشيد
حمزة: صافي واخا يالله تهلاي
مشا حمزة قدا غراضو ورجع مع لعشرة عند مريم عطاتو حوايج مامأها او خواتاتها وهي وصلات 11:30 هزات معاها حوايجها ومشات عند لكوافورة قالت ليها عافاك سبقيني انا لاولة حيت مزروبة وداكشي لي كان غير سلات عيط ليها حمزة لي كان كتسناها حدى لمدرسة
ركبت تاني ومشاو

وصلو لخيمة گانت لأم فطيمة او حسناء او وصال والجدة كلشي مشا لعرس
مريم: حمزة انا اندخل نبدل دابا امتا ايجي رشيد خوك
حمزة: هو دابا كين فالدار قريب يجي تقريبا اتجي نتي وياه قد قد
مريم: شكون جاي معاه
حمزة: غير  سمحمد خويا صافي
مريم: صافي مزيان انا اندخل نبدل
دخلات مريم قيادات ماكياج لبسات لبيسة ديالها ولبسات طالون في لكحل وشعرها خلاتو مطلوق مي دارت لي  واحد ظفيرة صغيرة من جنب وشداتها بفليل انيق فالوسط ديال راسها ومن بعد دارت اخر لمسات خاتم على شكل فراشة ومݣانة أنيقة فيها ليمنية اما يدها ليسرية دارت فيها ݣورميط ذهب على شكل الفراشة في فالخاتم ودارت سنيسلة أنيقة ورقيقة جات ما عنقها لي باين وكانت مركبة ظفار وسابغة ظفيراتها فالݣرونة شافت راسها جات كتحمق
جمعات داكشي من بعد ما سمعان طونوبيل وقفات عرفاتو رشيد جا طلت على ساعة لقاتها 2:50 دقيقة
هزات تليفونها وخرجت عندهم
حمزة: (صفر بإعجاب) ما هذا يا هذا ليوم طايح كثر من نايض
مشات مريم سلمان على رشيد وسمحمد
سمحمد: تبارك الله عليك كدايرة بعدا بخير
مريم: الحمدلله اخويا ونتا بخير هاني رڜيد بخير
رشيد كلڜي مزيان وطلعو وكملو هضرتكم فطنوبيل راه مبقاش لوقت
حمزة ركب فمطورو ومشا ومريم ركبات لور حيت لقدام كان رشيد لي سائق او سمحمد حداه

يتبع...

---