🦚 قـــاضــي الــغــرام🦚
🍷عيناك لا يلائمها الحزن بل تصلح لأغرق بهما🍷
🌾ليلى
🥀البارت الثالتة عشر
دازت شهرين على زواج راوية ومغيث فهاد الشهرين رياض مغيت تقول واش شي نهار يدوز فيه هاني ديما الصداع فيه وكل مرة كتكون زينب هي لغالطة فنضر مغيث لي قلبو كفر وحقد علي زينب لي حالتها نهار علي نهار كتكفس مشا الزين والبها وولات وردة ذابلة لدرجة أنه مغيث هجرها ففراشها مابقا بجيهتها يطوف
إوا فواحد النهار من النهارات كانت الشمس فالسما تحرق والما فالسواقي نشف بعدما تنص النهار وزينب قدات كاع شغال الدار هزات رزيمة فيها حوايجها المسخين وحطاتهم حدا الخصة منها تغسلهم وتخرج فيهم فقستها
بدات تحك فتوابها ومرة مرة تغني بصوتها الحنين حتى طاحو حداها حوايج من السما هزات راسها باش تبان ليها راوية حاطة يدها علي جنبها وهازة حاجبها تجهلاتها زينب ورجعات بهدوء لشغالها قبل ماتقول الاخرى بالغوات
ـ صبني معاك دوك الحوايج
شافت فيها زينب وقالت بدون مبالاة
ـ أنا ساليت هاهي الفراكة والجفنة تحناي غسليهم لراسك ولا ياك مامحنيا
شافت فيها وقالت وهي كتقلي ليها السم
ـ وعلاش غنحط يدي فالما ونتي كاينة
قهقهات زينب بسخرية وقالت
ـ مابقا فيا غير سيدي مغيث طار تا عيا وجاب لدارو وحدة ماتحني ماتدني الدراع كاضي والعقل فاضي غير لسانها لي ماضي تنصحك أضرتي العزيزة الرجال مكيبغيوش المرة المعفونة والمرا الغشيمة نقي ركانك
ضحكات الاخرى وقالت باستفزاز
ـ نصيحتك زيديها فيك أش درتي بحداكتك ولا بفهامتك ياك هاهو جاب لالاك بلاصتك ووليتي خدامة تحت رجليها
أنت تقرأ
💥قاضي الغرام💥( مكتملة )
Action🪔 رَمـَـــضـَــان مـُـــبـَــارَك كَـــرِيـــم🪔 🦚قـــاضـــي الــغــرام🦚 #بقلمي انا ليلى🥀 🌴 كان يامكان فقديم الزمان 🌴وكان حتى كانت حجاية طافت وجالت فݣاع البلدان 🌴وتحكات علي كل لسان 🌴... حجايتنا علي الحوال لي تدور وتبدل... 🌴و...
