🦚 قـــاضــي الــغــرام🦚
🍷عيناك لا يلائمها الحزن بل تصلح لأغرق بهما🍷
🌾ليلى
🥀البارت 22
قالت وردية
ـ إوا أبنتي راه ولدها هداك ومافبها والو الي طاعها ودا رضاها نتي لي كتجبدي الصداعات مع عكوزت لواه راه قالو الناس الوالة حماتي لالاتي وبنتها مولاتي كون كنتي لبيبة وفهيمة عمرك غتوصلي لهاد الماصل
شافت فيها زينب وقالت بدون مبالاة
ـ إوا لواه أمي بغيتيني نصبر للدل ونسكت نعيش حياتي خامة كنترس لضرة والعكوزة هادشي نيت لي بقا
قالت وردية
ـ وشنو فيها راك خدامة فدارك أشنو لي حسن تخلي لمك مجموع ولا تجيني مطلقة وفام ناس عليك تتفتح ؟ نوضي أبنتي الله يرضي عليك رجعي لدارك قبل مايرجع باك ويكبر الصداع ونوليو فالغيار وكلام العار
ناضت من حداها وقالت بدون مبالاة وهي متاجهة لبيتها
ـ قال ليا با نبقا هنا تايرجع
شافت فيه وردية بعصبية وقالت
ـ صافي ياالزرمونية وصلتيها ليه؟ أويلي فضيحتك فضيحة يا وردية غتولي سيرتك علي كل لسان
أما زينب طلعات لبيتها بدون مبالاة دخلات حطات رزمتها وحيدات حايكها وتسرحات فوق سريرها وسدات عينيها باش تجي صورتو بين عنيها تبسمات إبتسامة خفيفة وقالت بخفوت
ـ جمال الدين ؟ علاش مابغيتيش تبعد من بالي
وسدات عنيها باش وأخيرا تنتاقل لعالم الاحلام وتنعم بنومة هادية بعد كل الصداع لي داز
أنت تقرأ
💥قاضي الغرام💥( مكتملة )
Action🪔 رَمـَـــضـَــان مـُـــبـَــارَك كَـــرِيـــم🪔 🦚قـــاضـــي الــغــرام🦚 #بقلمي انا ليلى🥀 🌴 كان يامكان فقديم الزمان 🌴وكان حتى كانت حجاية طافت وجالت فݣاع البلدان 🌴وتحكات علي كل لسان 🌴... حجايتنا علي الحوال لي تدور وتبدل... 🌴و...
