💥قاضي الغرام💥( مكتملة )

part 29

#تتمة الجزء 28

حط مغيت الكاس وقال وهي كيشوف فالخاج عمر

ـ إوا الحاج راني جاي نرجع مرتي لدارها الشيطان دخل بيناتنا وطرا بيناتنا الغيار وخرجنا الكلام لعار وحيت دابا باش نصفيو القلوب

حرك عمر راسو وقال

ـ إيه ولاكن البنت لي كنت عطيتك مارجعاتش ليا كيف عطيتها ليك تكرفستي ليا عليها

قال مغيث بتلعتم

ـ لا الحاج راك عارف زينب راسها قاسح ومكاتبغيش تاكل و...

سكتو الحاج وهو كيقول

ـ باركا أوليدي من الكدوب راه فراسي كولشي ماشي حرام عليك تقهر ليا بنتي وتردها جفاف بين رجليكم فينك نتا فهادشي مخلي مك ومرتك دايرين فيها مابغاو.

قالت وردية وهي كتحااول تهدن الوضع

ـ إوا لواه الحاج مافيها باس إلي باقي باغي مرتو

شاف فيها عمر وقال

ـ وردية خرجي داك السوق

#تتمة الجزء 28

حط مغيت الكاس وقال وهي كيشوف فالخاج عمر

ـ إوا الحاج راني جاي نرجع مرتي لدارها الشيطان دخل بيناتنا وطرا بيناتنا الغيار وخرجنا الكلام لعار وحيت دابا باش نصفيو القلوب

حرك عمر راسو وقال

ـ إيه ولاكن البنت لي كنت عطيتك مارجعاتش ليا كيف عطيتها ليك تكرفستي ليا عليها

قال مغيث بتلعتم

ـ لا الحاج راك عارف زينب راسها قاسح ومكاتبغيش تاكل و...

سكتو الحاج وهو كيقول

ـ باركا أوليدي من الكدوب راه فراسي كولشي ماشي حرام عليك تقهر ليا بنتي وتردها جفاف بين رجليكم فينك نتا فهادشي مخلي مك ومرتك دايرين فيها مابغاو.

قالت وردية وهي كتحااول تهدن الوضع

ـ إوا لواه الحاج مافيها باس إلي باقي باغي مرتو

شاف فيها عمر وقال

ـ وردية خرجي داك السوق

شاف مغيث فالحاج وهو كيقول

ـ إوا الحاج عيط علي زينب تجمع رزمتها وتمشي معايا لدارها

شاف فيه الحاج عمر وابتسامة استهزاء علي شفايفو

ـ البنت ماعندها فين تمشي والي كان بالصح غرضك ترجع مراتك وتحيد عليها الدل دير ليها شانها وديك الساعة مانحيدهاش ليك

شاف فيه مغيت باستغراب وقال

ـ ولاكن الحاج راك نتا عارف بنتك عمري دليتها

قال عمر بعدم مبالاة متجاهل كلامو

ـ إلي كنتي باغي مرتك وطامع فرجوعها عندي ليك شروط الي قدرتي توفيها مرتك ترجع ليك اليوم قبل غدا

شاف فيه مغيت باستغراب وقال

ـ أما هي الحاج

قال

ـ الشرط اللول بنتي دارها بوحدها ماتوصلها لا عكوزة لا ضرة والشرط التاني نهار بنتي ترجع عندي مرة تانية غضبانة عمرها ترجع ليك أما الشرط التالت وجه بنتي مايجيش فوجه مك ولا مرتك ولا حتى ولدك ولا بنتك لي جايك فالطريق

شاف فيه مغيت بصدمة وقال

ـ ولاكن الحاج راه إلي درت دار لزينب حتي لاخرة غتبغي دارها ومي لمن غنخليها

ناض الحاج عمر وقال وهو عطيه بالضهر

ـ هدا هو كلامي للخر إلي قدرتي علي شروطي مرحبا والي جاوك صعاب وماقدرش عطيها براتها أنا  نحطها فوق راسي ونتا سير الله يعرضك للتيسير

وداز خارج مخليهم بجووج

بقات وردية كتشوف فيه وهي كتقول

ـ ايكون خير أولدي أنا غنشوف مع زينب الي قبلات هي هو غيتنازل علي شروطو

ناض متاجه للباب مخليها كتشوف فيه وهي

بعدما خرج مغيت من دار الحاج عمر قصد مو وهو مهموم كيفكر فهاد الشروط كي غيدير ليهم دخل بعدما حلات ليه راوية وداز فيها مخلياه كتنادي عليه أما هو تجاهلها وقصد رقية لي كانت جالسة كتغزل الصوف .. حطات لي فيدها  وقالت باستهزاء

ـ أمضرا شنو طرا دارت الشايطة النفس شتها ماتبعاتكش هاد المرة

شاف فيها مغيث وتنهد تنهيدة طويلة وقال

ـ هي ماجاش وجهي فوجهها تلاقيت غير مع باها ومها

قالت وهي هازة حاجبها

ـ إوا أش قالو ليك

شاف فيها وقال بسخرية

ـ شرطو عليا شروط إلي بغيت نرجعها

حركات رقية راسها بتساؤل وهي كتقول

ـ إيه وشنو هوما هاد الشروط

قال مغيث بعصبية.

ـ قالك نسكنها بوحدها وعمر وجهها يجي فوجهك

شافت فيه رقية وقالت

ـ لهلا يحيه المتلوف لاخر داكشي نيت لي بقا غير يبعدك عليا شفتي أوليدي كون تسمع ليا وتسوس عليك ديك السوسة قبل ماتسوسك وماتخلي فيك غير العضام العار أوليدي ايما عطيها بالتيساع وديها فكرتك لي تبارك الله حاملة ليك بلي يهز سميتك أش باقي باغي هاديك طلقها ولوحها ليهم تبقا ليهم بين فام الناس ضحكة

شاف فيها بحيرة وقال

ـ ولاكن أمي ..

قاطعاتو وهي كتقول

ـ  مكاين ماولاكن  نتا درتي لي عليك ولاكن هي تفرعناات وبغات تديرك كي الفلكة بين يديها ماتخليهاش أوليدي تلعب بيك طلقها أوليدي انا راضية عليك ايما عطيها بالتيساع راه مكايجي من وراها غير الصداع إلي باقي جبدتي ليا سميتها ولا سيرتها راني غنسخط عليك أولدي

حدر راسو  وقال

ـ أش غندير دبا

هزات المغزل بين يدها وستأنفات خدمتها وهي كتقول

ـ راها باينة سير قول لباها بلي مابقات ليك نفس فبنتو