💥قاضي الغرام💥( مكتملة )

part52

🦚 قـــاضــي  الــغــرام🦚

🍷عيناك لا يلائمها الحزن بل تصلح لأغرق بهما🍷

🌾ليلى

🥀البارت 52

هكا داز الفرح وزينب تزفات لدار القاضي جمال وفغرفة من غرف الرياض غرفة كبيرة كيتوسطها سرير كبير وعريض عليه خوامي من الحرير وقدام هاد السرير كانت جليسة وسطها ميدة وقدامها شرجم كبير كيطل علي النافورة فقاع الدار كانت زينب جالسة من بعد مادخلوها العيالات ليه بعدما جات من دار باها قدامها صنادقها لي فيهم حوايجها
تنهدات تنهيدة طويلة كتحااول تشتت أفكاارها تخلعات وولات بحال الي عمرها تزوجات ولا شاركات فراشها مع شي ذكر من قبل وعلي هاد الافكار تبسمات بسخرية شتان بين جمال لي غير بالشوفة فيه كتغرق فحوايجها بالحشمة ومغيث لي عمرها دارت ليه حساب
ناضت جيهت واحد من صنادقها وجبدات منو توب خفيف فالاحمر   مخملي باش تبان ليها التفاحة لي كانت خشاتها فحوايجها تبسمات بخفة وهي كتفكر
حطات التفاحة فوق الميدة وناضت حيدات عليها حوايجها ولبسات ومشطات شعرها الطويل وعطراتو وعاودات كحلات عينيها وهزات شوية من دم الغزال او العكر الفاسي تدارت شوية علي خدودها باش يزيدو يتزنكو وزادت حمرات شفايفها شافت فمراية كانت فجنبها وهي راضية علي نفسها تمام الرضا تقتها بنفسها كبيرة بزااف وتزادت وهي كتشوف فراسها وكيف جات طاح عليها السر وزادها بها علي بهها
توجهات لتفاحة لي كانت حاطة هزاتها وبدات كتأمل فيها بحب كانت تفاحة حمراء قالت بصوت خافت

ـ بتفاحة قدرات حواء تخرج أدم من الجنة وغير بتفاحة قادرة نخلي عينيك غير عليا

تحل الباب عليها باش تلتفت وتشوفو هو داخل والبسمة على شفايفو قرب عندها بخطوات تقال وهو كيقول

ـ السالباني

حدرات راسها بحشمة وتزنݣو خدودها وهي كتقول بخفوت بصوت بالكاد يسمع

ـ الغالي

قرب عندها كتر وهز ليها راسها وهو كيقول

ـ سبحان الخالق الرحمان لي عطاك من البها والزين لي يعجز اللسان فيه يتغزل ولا فيه ينضم عيون الريم وصوت الحمام والخديد تݣول مراضع من الرمان

حدرات راسها وشدات فتوبها بتوتر وهي كتقول

ـ حبيب الروح والوجدان لي خلا قلبي ولهان ليك أنا نعاهد ونواعد نكون ليك مرا صالحة ماتشوف مني  لا غدر ولا طغيان