🦚 قـــاضــي الــغــرام🦚
🍷عيناك لا يلائمها الحزن بل تصلح لأغرق بهما🍷
🌾ليلى
🥀البارت 59
تبسمات ليها العجوز وقالت
ـ هادو هوما ليام لولة عيا ودوخة ووحم ولاكن غير تدوز الشهورة الأولي تولفي
شافت فيها زينب بإستغراب وقالت
ـ أش کتݣولي راني عاݣرة
ضحكات الاخرى وقالت
ـ ماشي هادشي لي باين ليا فعينيك أنا المرا الحاملة نقلعها من عينيها ونتي أبنتي راك رافدة
قالت زينب
ـ والاكن...
قاطعاتها وهي كتقول
ـ أبنتي داكشي دالله شحال من وحدة ربي فك حزامها بعد زمان طويل ونتي حاملة والي ماتقتيش عيطي علي نورية نمشيو نكشفو عليك
حتى زينب مكانتش من العاكزين فرحات وتمنات فرحتها ماتخيب عيطات علي نورية لي غير خبراتها بكلام ديك المرا ضرباتها بتزغريدة وهي كتقول
ـ أبنتي ديك المرا راها شريفة وحكيمة وقابلة ملي قالت ليك حاملة صافي راك حاملة ولاكن باش تحيدي الشك حنا نمشيو نكشفو عليك
توجهو لاحد الغرفة وحيدات زينب توبها مخلية الاخرى لي دهنات يدها تبدا تمسد ليها
شافت فيها نورية لي حركات راسها تبتاسمات ليها العجوز وقالت
ـ يتربا فعزكم
ضرباتها بتزغريدة أما زينب من قوة الفرحة دموعها نزلو تحمد الله وتشكرو علي نعمتو
أنت تقرأ
💥قاضي الغرام💥( مكتملة )
Action🪔 رَمـَـــضـَــان مـُـــبـَــارَك كَـــرِيـــم🪔 🦚قـــاضـــي الــغــرام🦚 #بقلمي انا ليلى🥀 🌴 كان يامكان فقديم الزمان 🌴وكان حتى كانت حجاية طافت وجالت فݣاع البلدان 🌴وتحكات علي كل لسان 🌴... حجايتنا علي الحوال لي تدور وتبدل... 🌴و...
