💥قاضي الغرام💥( مكتملة )

part35

🦚 قـــاضــي الــغــرام🦚

🍷عيناك لا يلائمها الحزن بل تصلح لأغرق بهما🍷

🌾ليلى

🥀البارت 35

دازت فيهم مخلياهم موراها كينݣرو أما هي طلعات للسطح وجلسات فجليسة .. مسحات دوك الدموع القلال لي نزلو من عينيها وواعدات راسها من داك النهار عمرها باقي تطيح دمعة علي مغيث وسيرتو تنهدات بعمق وبتسمات بفرحة صافي ليوم تقطعو الخيوط لي كانو رابطينها بمغيث من ليوم هي حرة كيف النهار الاول تهمات من رقية ومن راوية... سدات عنيها باش يطيح فبالها شكون من غيرو هو لي زاد ترسخ فعقلها وفقلبها مغاتنساش كلامو ليها وديك الابتسامة لي كانت علي وجهو لي قدرات تلمحها من ورا الحجاب من بعدما خرج باها ومغيث وستفرد بيها علي أساس يسمع منها ومايتضلم حتي حد فيهم قهقهات بفرحة وهي كتفكر كلامو

"ـ المرا كيف جوهرة غالية كولشي يطمع فيها داكشي علاش كتخبا وبحياها وعفتها كتباها حتي لنهار لي يجي داك لي كيستاحقها كتعطا ليه بالشان والهمة

قالت هي بحشمة

ـ شحال من مرا طاحت فذكر بزااف عليه الرجلة. تعيا ليه تصبر ولاكن قلبها كيعيا ويتقهر وفاش كتوصل لدار القاضي كتولي قليلة الحيا

قال وابتسامة علي شفايفو

ـ عمر الطلاق كان عيب أبنت الناس لي نوصيك عليه لزمي دارك حتي تكمل عدتك ديك الساعة لينا هضرة خرا "

قهقهات بفرحة وهي كتفكر شناعي هاد الهضرة لي بغا يوصل ليها زعما يكون حاط عليها العين