تمسك بيديه محاولة منعه من الذهاب وهي منهارة من البكاء وتصرخ :شبيررر حباب لا تعوفني وترووح والله ما اكدر بدون ما اشوفك كليوميه وعد وعـ..د بعد ما اعاندك بشي ( تشهق) راح اسمع كلامك ومراح اهمل درس القرأن .. وراح ادرس الواجبات من وكت بس لا ترووح
تحاول العلوية زينب ان تبعدها عن شبير ولكنه يوقفها محاولا ان يتدارك الموقف، ينزل الى مستواها ويردف قائلا وهو يمسح دموع عينيها
شُبير : اميرتي شو اسكتي وكافي بجي وباوعي عليه
تحاول ان تهدأ وتنظر اليه وهي مستمرة في شهقاتها
شبير ينظر اليها بأطمأنان وهو واضع يديه على
وجهها : باعيلي اني راح اروح فترة وارجع مراح أطول هواي وعد
تستمر في بكاءها بشدة وبنبرة صارخة وهي تضرب برجلها الارض : دا تكذب عليه.. حتروح وتعوفني بعد ما ترررررجع
العلوية زينب تتدخل هنا وتبعدها عنه وتوجه كلامها لشبير : توكل وليدي اذا تبقه هيج مراح تطلع بعد وتتأخر على موعدك
يهز رأسه للعلوية زينب بقلة حيلة ويهم بالرحيل
تستمر في صراخها وبكاءها وهي تنادي اسم شبيررر
وهو يسمعها وقد ادار ظهره لها ودموعة بدأت تسيل على وجنتيه وذهب مغادرا تاركها بين يدي العلوية زينب وهي تحاول ان تجعلها تهدأ
لا جدوى لقد سقطت مغشيا عليها...
العلوية زينب : يمممه بنييتي دخيللك ياربي حيدددر الحك ع بنتككك......
