بارت الرابع
اليوم هو يوم الملجة بعد ماخطبها عبدلله وتمت الخطبة الحين يا وقت الملجة كان في بيت مهرة عشان حويهم اكبر
مهرة: فجررر مابا اليوم الملجة انا منو انا ماعرف انا منو
فجر: مهرة شو نسوي انا حاولت قنعت ابوج وكلموه الشباب بس مارضا مصر ان عبدلله يتزوجج
فاطمة: اقلكم لا ضايقون عماركم زيادة
فجر: هي صح مهاري بعد شوي بتنزلين عند الحريم
مهرة نزلت منها دمعه: بنات ماقدر انزل مابا
سارة مسحت دموع مهرة: مهاري حبيبتي خلاص لاتخليني اصيح معاج
ام سيف دخلت عليهم: يلا مهاري احين بتنزلين
ونزلت مهرة تحت عند الحريم وكانت جميلة بس كان مبين عليها الحزن ويلست وشوي ودش عبدلله ولبسها الدبلة وروحوا المعازيم
ابو سيف: عبدلله شل حرمتك ويلسوا في الميلس خذوا راحتكم
عبدلله: ان شاءالله "يمسك ايد مهرة" يلا تعالي
مهرة كانت خايفة: اوكي "وراحت وراه ودشوا داخل وسكر الباب"
عبدلله: واخيرا انتي لي
مهرة تمت ساكتة ومنزلة راسها
عبدلله عصب : اي انتي رفعي راسج وانا اكلمج
مهرة رفعت راسها
عبدلله: سمعي من يوم ورايح تلبسين نقاب وعباية مسكرة مابا اتزوج وحده حماره ماتعرف تطبخ وتشتغل وترى من احين بقول لج ماشي خدامه انتي بتشتغلين عندج ايدين وريولات شو ناقصنج وسمعي مابا دلع تمشين سيده
مهرة تسمعه وتمت ساكته
عبدلله: صح اني احبج بس بعد لازم تسوين هالاشياء غصبًا عليج وعلى اهلج
مهرة تكلمت بصوت خفيف: لاتغلط على اهلي
عبدلله مط شعرها : شو قلتي ماسمعت
مهرة علت صوتها: اييييي قلت لك لاتغلط على اهلي "وعضت ايده وطلعت برع"
عبدلله روح هو واهله ومهرة راحت برع عند حديقتها تصيح
منصور:عادي ايلس
مهرة تمسح دموعها : هي عادي حياك
منصور: مهرة بسالج سوال وجاوبيني
مهرة: اسال
