بارت 16
بعد اسبوعين في البيت تحديدا في غرفة مهره الي قامت الساعة 9 وتعدلت وحطت شيلتها في جتفها ونزلت تحت
مهرة بصوت عالي: صباح الخيرررررررر
ام سيف: صباح النور حبيبتي قصري صوتج خوانج رقود
مهرة: بسهم رقاد كله رقاد رقاد مب مصدقين انها اجازة
ام سيف: يعني شو تبيني اسوي معسكر فالبيت
مهرة ضحكت: لا امايه
ام سيف: عيل كلي وانتي ساكته
مهرة: امايه صبي لي كرك
ام سيف: هاج
خلصت مهرة تتريق
مهرة: اقولج امايه انا بروح اجوف يدوه عقب بمر على فجور وبنطلع عندي مشوار
ام سيف: تمام
طلعت مهرة وراحت الميلس: انا عارفه انج هني
اليده: يعني وين بكون راقده شراتكم
مهرة ضحكت: هيه يدوه شراتنا
اليده: لا انتي ما شاء الله عليج سنعه ما شاء الله عليج
مهرة بغرور: طبعا طبعا
اليده مدت العصا وضربت مهره
مهرة: اخخخخ يدوه ليش شو سويت
اليده: عيل شو هالحركات اونه واثقة
مهرة: يدوه مب قصدي " سكتت" انا شراتج سنعه
اليده: غصبا عليج
مهرة تضحك: يلا يدوه تبين شي بسير عند فجور
اليده: هاي فجر ليكون بعدها راقده
مهرة: يدوه بعد ساعتين بتفتح لي الباب هاي رقادها ثجيلللللل
اليده: الله يعين سيفوه عليها
مهرة: لا ماعليج الاخو نفسها نومه اثجل بمراحل انا بس خلني ساكته
اليده ضحكت: سيري ابويه سيري
راحت مهرة عند قوم فجر : صباح الخير
ام منصور: صباح النور يا ويه النور انتي
مهرة سارت تسلم على ام منصور
