بارت 23
بعد مرور سنة على الأحداث راح مايد للخدمة الوطنية وخلص الحمدلله وقدم على شغل وقبلوه واشتغل وساره خلصت المدرسة ودشت الجامعة كان تخصصها بيطره لانها كانت وايد تحب الحيوانات وفاطمة وعلي سووا ملجة بسيطة بين الاهل لان قرروا العرس بيكون فخم وفجر وسيف كانوا يجهزون حق عرسهم الي فجر أجلته عشان مايد كان فالخدمه وبعد مارجع قررت فجر انها بتسوي وكانوا مبتلشين وايد لان كان العرس باقيله يومين بس
مهرة كانت متنرفزه : ياخي خلاص قلت لج مليون مره موجود وديته احلف لج كم مره سالتي اليوم
فجر: انزين شو اسوي نسيت ماتعرفين شو يعني نسيت
مهرة: الله يهديج وايد موتره عمرج شوي شوي
فجر بدت تصيح ومهرة حسبت ان كله منها
مهرة: فجر والله مب قصدي اصرخ عليج
فجر حضنت مهرة وصاحت في حضنها: مهرة أنا خايفة
مهرة يودت فجر وخلتها تجابلها: ليش حبيبتي من شو خايفة
فجر: ماعرف بس خايفة شي داخلي خايف
مهرة: فجر تعوذي من بليس مابيصير شي الحمدلله انتي تحبين سيف وهو بعد يحبج مافي شي بيصير ها بس توتر وخوف
فجر ضحكت: وانتي شو عرفج
مهرة بتوتر: شو عرفني أنا بعد
فجر ضحكت على مهرة: اوييي هههههههههه
مهرة انحرجت : قليله ادب أنا الغلطانة يالسه اراضيج
فجر هدت: خلاص بسكت بسكت
مهرة: احسن
فجر حضنت مهرة: شكرا وايد على كل شي سويتيه لي فحياتي انتي غيرتيني من اول ماعرفتج صح إنّا ساكنين مع بعض في نفس البيت بس مادري يوم كبرنا حسيت بفرق كبير كنتي لي الاخت وسند لي وساعدتيني في أصعب مواقفي وايد شكرا على كل شي
مهرة حضنت فجر وكانت بتصيح بس مابغت تصيح جدامها عشان ماتصيح وياها فجر: يلا باقي لنا وايد باقي يومين وتستوين عروس
فجر توترت : يالجلبة وترتينييي
مهرة: يلا تاخر الوقت بسير ارقد تعبانة انكسر ظهري من شغل اليوم
فجر: يلا مع السلامه
مهرة: مع السلامه
عند منصور الي كان يالس فالحوي يفكر وكان معصب مايعرف ليش وكان عادي يطلع حرته على اي شخص يمر عداله
