بارت 36
ف صباح يوم التخرج قاموا مروان و مروه وراحوا من الصبح لجامعتهم عشان يتجهزون اما الباقين كالعاده رقود
مروان: أقولج أنا بروح عند ربعي
مروه: خلاص تمام انت روح عندهم أنا بروح عند ربيعاتي
مروان: يلا باي نلتقي هني
مروه: اصبر اصبر توه اتذكر تعال صك لي الاسواره
مروان صكها مال اي شي: باي
مروه: بايييييي... وطبعا مروه مانتبهت ان الاسواره طاحت من ايدها لانها كانت مرتبشه وتفكر شو بتسوي يوم بيزقرون اسمها ولا كيف بيكون شكلها وكيف وكيف... بس لفت ورا وحصلت واحد يلاحقها وعطتها مشيه وين مكتب حمد لين وصلت عند ربيعاتها وصدت وجافت ان الريال راح وطنشت السالفه وتمت تسولف ويا ربيعاتها
فالطرف الثاني
كان حمدان يمشي صوب الكوردور بس لفتت انتباهه بنت طاحت منها اسوارتها عقب ع طول شل الاسواره ولحق وراها: لو سمحتي... بنت... الو يالس اكلمج لكن البنت سفهته ومشت بسرعه وماقدر يلحقها لانها دشت عند ربيعاتها ف استحى ع ويهه وقال اكيد بصادفها بمكان ف بعطيها وراح عند ربعه
فالبيت قامت مهره وتسبحت وصلت وتعدلت ونزلت تحت وكالعاده حصلت الكبار قايمين ومنصور
مهره: السلام عليكم
الكل: وعليكم السلام
مهره يلست تاكل: ميته يوعععع احسني من سنتين مب ماكله
اليده ضربتها فالعصا: ايلي ماتستحين
مهره نقزت بعوار: شو سويت
اليده: يلستي تبلعين ماتفيجيتي حتى تسلمين علينا
مهره تحج مكان الضربه: يدوه الله يهديج ومنو توه يقول السلام عليكم ليكون الديج وانا مادري
اليده عطتها ضربه ثانيه: سود الله ويهج يا مهروه
مهره قامت وسارت الحمام تغسلت وركبت الدري جنه توها نازله: السلام عليكم
الكل بضحكه: وعليكم السلام
مهره سارت تحب راس يدتها وامها وأبوها وام منصور وابو منصور وسارت تيلس تكمل بلع
منصور: افاااااا
اليده: شفيك انت الثاني
منصور: يدوه ترضين الحين تمر جدامي ولا تسلم
اليده بصدمه: ويدي... كيف تباها تسلم عليك يالطمطمه
