بارت 28
فاليوم الثاني كل حد كان راقد بعمق من التعب...قام منصور شوي شوي
منصور بصوت مبحوح: اب...ابا...ماي
بس محد رد عليه ف حاول يعلي صوته: ابا...ماي
فزت مهرة وراحت عطول تيب له ماي وعطته شرب الماي وعطاها
مهرة بخوف: انت بخير؟
منصور بهدوء: بخير
مهرة: تبا شي ثاني اقوم مايد
منصور : مهرة ليش انتي دايما تضيعين
مهرة صرخت: ماعرففف
منصور: انزين شو فيج انا ماقلت شي
مهرة: خلاص منصور اسكت
منصور: مهرة شو فيج...احترمي نفسج
مهرة بعصبية: أنا أعرف ان انت قايل حق حد يخطفوني عشان جي سويت نفسك البطل الي اونه تنقذني وماعرف شو ترى هاي الحركات مب علي أنا
منصور بهدوء: مهرة... اسمعي شو يالسه تقولين
مهرة رفعت حواجبها : ليش كلامي غلط؟
منصور: مهرة خلاص ايلسي وسكتي
مهرة: منصور انت مسوي عمرك... تحسب اني عقب ها كله بحبك ولا بحسك بطلي...لا حبيبي انت ولا شي
منصور مسكها من ايدها وقال بهدوء: طلعي برع
مهرة هدت ايدها وطلعت وسكرت الباب قو وراها مما خلا نصهم يقومون
خالد توه يفتح عينه: هاي شو فيها طايرة... شوي شوي كسرت الباب
مايد: ياريال خوز ريلك عني
خالد ضحك: شو فيك انزين
علي: سكتوا برقد شوي
فاطمة جافت منصور بحزن : ها بعده ماقام
ساره وروضه وحميد قاموا
ساره: ظهري يعورني
روضه طالعت منصور : ها كله عشان منصور
حميد سار عند منصور: مسكين يحلم حلم يصيح يالس يصيح
مايد: خوز عن اخوي
فاطمة: انت وياه انجلعوا ويلا نطلع شوي عنه خله يتنفس
روضه: خراطة تبا تبلع
