البارت الثامن
رجعوا البنات البيت وراحوا الميلس وجافوا كل حد متجمع هناك مثل ماتوقعوا وخذتهم السوالف لين الساعة 11
سيف: احم احم اسمعوني بقول لكم شي قبل لا اسافر
مهرة: يلا قول
سيف: انا عقب مارجع من السفر بكمل نص ديني وبخطب بنت الحلال وهي ...
ابو سيف: مانبا نعرف منو المهم انك ماتتاخر على الطيارة لاحقين عليها بعدين بنعرف
سيف: عيل خلاص مفاجأة
مايد: خلوه يقول فيني فضول
ساره: حتى انا ذبحني الفضول
ابو منصور: بلاكم مستعيلين بعدين بتعرفون
سيف: يلا عيل حياكم الله
(وطبعا الله لايراويكم الدراما الي صارت شو اقول شو اخلي صياح مشاهق كله مكس جنه الولد مابيرجع لهم )
في المطار
ابو سيف: يلا تحمل على عمرك هالله هالله بالاتصالات لازم كل يوم تكلم الجماعة عشان مايسون سالفة
سيف ضحك: اكيد بتصل انا اعرف شو بيسون
ابو منصور: اسمع ماوصيك اي شي تباه كلمني عندي جماعة هناك بيساعدونك "لف على ابو سيف"يلا بو سيف تعال نروح السيارة "لف على منصور" نصبرك في السيارة
منصور: ان شاء الله " ولف على سيف" يلا ياخوي بنشتاق لك بس مب في ايدنا وخلص بسرعة ورد لنا وترا ابا اعرف منو بنت الحلال بيني وبينك فيني فضول اكثر عن ميود وساروه "وضحك" يلا حياك الله " وحظنه وراح عنه"
ومر اسبوعين على سفر سيف
في الميلس
ابو سيف: عيل كلمك ابو محمد شو كان يبا
ابو منصور: مابتتوقع
ابو سيف: يلا ارمس
ابو منصور: يبا ايي يخطب فجر
ابو سيف بحزن: فجر راحت من ايدي
ابو منصور: افا ليش
ابو سيف: كنت افكر ارمس سيف ياخذ فجر بس نصيب
ابو منصور: ليش ماقلت لي وعادي ترى بنجوف فجر يمكن ترفض او شي ماتعرف
ابو سيف: بعد صح انزين سير قول حق اختي انه باجر بيون
ابو منصور: يلا بسير بتروح البحر خلاف
