”ما عدتُ قريبًا من أحد،
حتى نفسي.....
ما أبعد نفسي عن نفسي.“
__ فاروق جويدة
في بيت ابو مجد
ام مجد : نوران يمه قومي اصحي رح تتأخرين عن المدرسه يابنتي قومي
نوران: طيب يمه انزلي وانا بلحقك
نزلت ام مجد وصلحت لهم فطور وسوت لنوران وجبه للمدرسه وصحت كنعان و مجد وابو مجد
نوران :يووه ياربي متى اشبع نوم عملت للبنات رنه عالقروب حقتهم عشان يصحو
ودخلت الحمام(الله يعزكم) وخذت لها دش سريع وفرشت اسنانها ولبست زي المدرسه ولبست العبايه فوقه ومشطت شعرها ورتبته ونزلت لقت الكل مجتمعين ع السفره منتظرينها هي ومجد
نوران: صبحهم الله بالخير
ابو مجد: هلا هلا ببنيتي هلا انتي الخير ياعمر ابوك
كنعان تنحنح: يقالك يابوي ولدك الصغير عندك ارحمه لاتدلع الفصعونه هذي دلع الصغير الي قاعد يستناك تشفق عليه
نوران:ههههه اموت في الغيورين انا ياخي دور لك هرجه ثانيه ترى ابوي يحبك بس انت ما تشوف الا حبه لي
مجد يعدل نظارته الطبيه وينزل من الدرج : ترى يانوران كنعان صادق ابوي يحبك وكثير لانك وحيدته ولاتغاطي ترى كلنا متحملينك عشان ابوي ههههه
ام مجد : له له اتركو ابوكم يحب الي يبي انا احبكم وهذا يكفي ولا كلامي مب صح
مجد وكنعان بنفس الصوت :الا يكفي يمه
وكملو فطورهم بسوالفهم وعنادهم المعتاد
بيت ابو حسام
قاعدين يفطرو وتكلمت سجى
سجى :يبه أمير مب ناوي يرجع وكملت بغصه لفقد اخوها ترى فقدته والله
ميار: يووه يافقدي لك يا أمير الله يرجعك بسلامه وتجي وتنصف لي من ساجي البغله
ابو حسام : هههه بيرجع بيرجع وقرييب ان شاء الله
ام حسام : الله يقرر عيني بشوفت وليدي
حسام دقته زوجته هاجر : هه ليه هما مفتقدين أمير ولا انت مامليت عيونهم يابعدي
حسام بنفس همس هاجر :هما مفتقدين ولدهم وإذا كنت انا عندهم هذا الشي مايخليهم ينسو أمير افهمي
هاجر سكتت وقلبت عيونها بسخريه
ابو حسام :يبه سجى روحي لغرفتي وجيبي ملف بالون الاصفر وتعالي بوصلك انا
سجى :تم يبه بس مازن بيوصلنا انا والبنات ويرجعنا كمان
ابو حسام: اذاً خلاص دامه كذا تعالي يا ميار بوصلك انتي ومزوُن دقي عليها تجهز
ميار :طيب يبه انتظرني لما البس عبايتي وادق على مزوُن تجهز
سجى باست راس امها وخد ابوها وطلعت ولقت إيلين ومازن منتظرينهم عند البوابه
وهي تضبط نقابها شافت نوران طالعه وتسوي نفس الحركه ضحك مازن الي كان يناظرهم من شباك السياره طلعو البنات وسلمو على بعض
نوران : مازن صباح الخير
مازن : هلا نوران صباح العسل والرضى
سجى : وش فيك مازنووه مروق وفرحاان قول لنا فرحنا معاك
إيلين : يووه ياسجى لو تشوفي كيفه من الصبح متشقق فرح وما افطر حتى
نوران بحنيه: مازن ليه ما افطرت ياحمار؟!
مازن :مالي نفس يانوران وتسلمي على السؤال وبنسى لك السبه هههه
نوران فتحت شنطتها وطلعت علبه فيها سندويتش جهزته امها لها للمدرسه : خد كل هاذي السندويشه وانا باخذ لي من بوفيه المدرسه
مازن وهو يعلي صوته يغني : يااانااااس احبببه من حنية قليييبه
والبنات كملو بصوت واحد : فدييييته فدييييته
ونسو سالفه فرح مازن، وكملو طريقهم ضحك وطقطقه على بنات المدرسه وهما يخططو لهم وناويين على نيه
أنت تقرأ
يا هـوى يـذوب الـروح لحدٍ جاب طاريه و يامن طلب روحي قالت الروح افـديه
Poésieاول رواياتي لا تفوتكم وان شاء الله تحبوها وتعجبكم🥹💜 نبذه حول الروايه💥↓ بعد غربةً طالت زمن يأتي ليغرس بداخلها إعجـاب وحـب ليـدخل الامن في قلبها ليبث الحنـان والطمأنينه في روحها وليبداء باول مراسِم حبهما ليدخل في يدهـا خاتمـاً ليجعلها ساكنةً للغي...
