يا هـوى يـذوب الـروح لحدٍ جاب طاريه و يامن طلب روحي قالت الروح افـديه

الـبارت الـثاني والـثلاثـون 32

يا هـوى يـذوب الـروح لحدٍ جاب طاريه
و يامن طلب روحي قالت الروح افـديه

بقـلمـي/ Malaaz_sky

احب الحبيب اللي يدارني بأبشر ولبيه
وانا الذي كتبت اسمه بباب القلب عنوان

يجعلني انا وعيوني و حواسي كلها نفديه
يلي محبتي له ماحتاج لها اثباتٍ و برهان

احبه من صغر سني و روحي ميته فيه
تعلقت به ويجعلني ما اذوق منه هجران

لو الود ودي اعطيه نور القمر والنجم اهديه
حبيبٍ ما مثل حسنه بشر بين عربً و عجمان

البعد يذبح والقاء المطلب وعن اشياء يغنيه
عسى الله يقرب المسافات تعبت انا حرمان

اشعـااري✌🏻💛↑

في الليل

نايف
كنت اتمنى ان مزوُن ما تنزل الجامعه مدري ليه يمكن صرت متعلق فيها رغم انه نادر ما التقي فيها و حتى تواصلنا شبه معدوم لاني مو مثل الباقيين اكلم البنات كثير حتى ماعندي غير ارقام خواتِ غمضت عيوني احاول انام بس مافي فايده احس مشتاق لمزوُن قلتها في نفسي "ليتني اقدر اكلمها" نبهّ جوالي عن وصول مسج فـ اخذته من ع الطاوله شفت رقم ماهو بمسجل في جوالي استغربت فتحت الرساله وكانت شبه فاضيه ...!؟ طلعت من المحادثه ع الافتار
و
و
توترت شوي وقت ما شفته لانه ما كان غريب علي الافتار كان صوره لبنت منقبه وما بين منها غير شوي لانها معطيه ظهرها لصوره انا شفتها بس ميين!!
وقت تذكرت وين مكان ذي الصوره كنت بطير من الفرح هذي الصوره كانت بنفس اليوم اللي تقدمت فيه لمزوُن يوم طلعنا البر

رديت وانا متشقق من الفرح :
جابك الطاري وفز قلبي له "
ردت مزوُن بنفس الوقت :
ان جابوا طاريك في سيره
امسيت شارد و اعد لنجوم

نايف : أخيراً حسيتي بنا وتكرمتي!!
مزوُن : والله القصه وما فيها إني اشتقت لك
نايف شاف المسج وابتسم من اعماق قلبه يدري بها بتندم والدليل انها حذفته بعد ما حست وش قالت : كلنا نشتااق يابنت عابد وابي تسولفي لي اش اللي خلاك تكلميني وكيف ومتى دامنا في اول يوم فما ابغاك تهجين مني حبه حبه
مزوُن استحت شوي بس مابينت له : اووك اجل اسمع

فـــلاش بـــاك🧡✨

مزوُن
بعد اللي صار اليوم مدري حسيت بنفسي صرت اميل لنايف و بعدين هو وش يعيبه..!
عشان ما اميل له هذا اذا ما تعلقت به وحبيته هو
حنون وهادي وطيب وتعامله مع خواته مره حلو وهذا اللي يهمني لاني شفت كثير من حسام التبن وصرت اكره الرجال بسبته احس ان ودي اكلمه
شفت سجى اللي متمدده ع سريري وتقلب في جوالي رحت لمها
مزوُن : سجى!!
سجى همهمت بكسل : هممم
مزوُن دفيتها بشويش : يخي مو وقتك انتي  و الكسل ذا ابغاك تساعديني
سجى سكرت الجوال و  تعدلت : بويش اساعدك!!
مزوُن تطق اصابعها بتوتر : بـ اا ااا اااا اردفت بسرعه من الاخير ابي اكلم نايف...
سجى صغرت عيونها وناظرتها بشك وقفزت من ع السرير لم مزوُن : انتي تتكلمي جد!!؟
مزوُن برعب دفتها : ايييييه جد شفيك كذا خوفتيني
سجى : هه ههه ههههههههههه وصارت تضحك وتمسك بطنها
مزوُن مستغربه من حركة سجى اللي مالها اي داعي : شفيييك ي بنت انا قلت نكته!!
سجى : ههه هو يعني ماهي بنكته بس انصدمتت مقدرت اعبر
مزوُن : اجل انصدمتي!!! ودفتها لين بعدت شوي من عندها و اردفت بجديه الحين انا جيت ابطلبك تساعديني أكلم أبوي واخذ اذنه هو وأمير
سجى : لجل كذا بغيتي اساعدك اجل ازهلي الحين بروح لهم وطلعت من الغرفه قبل لا حتى تسمع رد اختها اللي لحقتها تبي تسمع وش بيقولوا لها

أمير قاعد يتكلم مع ابوع بخصوص الشغل بحكم ان في اشياء امير لسى ما يعرفها لانها كان بعيد

ابو حسام : الحين صرت تدري عن كل الموضفين و إن بغيت شي دق على نايف وهو مايقصر
أمير : ابوي ابسألك بس لا تتضايق!!
ابو حسام : قول وانا ابوك
أمير : يعني ..... انا ما ادري كيف. ومن وين اببدا بس القصه ان مزوُن احسها مدري كيف كنها ماهي بمقتنعه بنايف وانا والله ما ابي اظلم اختي ولا اظلم نايف!
ابو حسام ابتسم : نايف رجال وذيب وبنيتي و اعرفها ان كان في شي ماهي براضيه عنه بتقول لي وانا ما غصبتها ولا بغصبها طول عمرها وانا متأكد انهم بيتفقوا مع بعض لانهم مناسبين الله يألف بين قلوبهم
أمير : محشوم يبه ما قلت انك غصبتها لكـ.......
قاطعته سجى اللي دقت الباب ودفته قبل لا تسمع ردهم
سجى : احممم مساهم بالخير
ابو حسام : هلا يابوي
سجى ناظرتهم الاثنين وبعدت أمير وجلست بينهم : الحين ابقولكم شي صح هو شوي سخيف بس مدري كيف المهم الاخت مزوُن تبي تستأذنكم انها بتكلم زوجها
أمير ضحك : هههههههه بالله جد
سجى هزت راسها ببلاهه : اييه اييه
ابو حسام : تراه زوجها وهي حليلته وشوله تستأذن!!؟
اكمل ابو حسام بعدما طالع أمير المبتسم : أكدي عليها ان نايف ولدي مثل ماهي بنيتي وان توهمت مجرد وهم انها ضيقتها عليه هو او اختي ولو حتى خواته بكلمه بيجيها غير العلم اللي اعتادت عليه
سجى قفزت من مكانها بحماس : سم يبه اقول لها كل شي لا تحاتي انت وراحت تفتح الباب
بس
خساره
ما كانت تدري عن اللي تأوهه گ صرخه مكتومه صرخه وجع صرخة قهر وغضب
يب مزوُن كانت ورا الباب بتسمع بس سجى ودفاشتها خلتها تسب نفسها لييه تنصتت
سجى فتحت الباب وضربت راس مزوُن بقوه لدرجه انه نزف

مزوُن سحبت سجى بسرعه للغرفه وهي كاتمه صوت بكاها لجل محد يسمعها و اردفت ببكى : عمممممى ي مال الشربه ماتشووفين انتي
سجى انفجعت من راس مزوُن اللي ينزف شهقت بخوف على اختها :هييييي وقسم ماكنت اظن انك لحقتيني ي المخبوله وراك واقفه عند الباب!!!
مزوُن بألم : ماكنت تدري انك بتدفي الباب بذيك الوحشيه
سجى تجاهلت كلام اختها : اقعدي بس انا بروح اجيب علبه الاسعافات الاوليه و ادوي لك الجرح

مزوُن بنبره باكيه : اسرعيييي
جت سجى وبيدها العلبه : خلاص هدي الحين بعقم الجرح واحط لك شاش صغير اووك
مزوُن : اوكك

خلصت سجى تعقيم الجرح ولفته بالشاش وقعدت واعطت مزوُن جوالها : جوابهم مثل ماتوقعت بس ابوي وصاني اأكد عليك ان مثلما انتي بنته نايف بعد ولده وان أذيتي عميمه او البنات او حتى نويف بيجيك شي ما يسرك
مزوُن ابتسمت بهدوء : يبشر ابوي اللي يبيه يصير

أنــتـهـئ الـفـلاش بـاك🌼

انتهى
تصويت
كومنت
🧍🏻‍♀️❤️