يا هـوى يـذوب الـروح لحدٍ جاب طاريه
و يامن طلب روحي قالت الروح افـديه
بقـلمـي /Malaaz_sky
حبيبي لك ذكرياتً ما تفارق خيالي
يلي ذكراك استوطنت معالم البوح
عن غرامك عندي كلام وسؤالي
ليه كلما ابتعدت تزيد بقلبي الجروح
مالك ي حبيبي من العذال ومالي
خل حبنا يطير في سماهم ويلوح
أشعـارري ❤️🔥
نوران بدت شهقاته تطلع واحده ورا الثانيه وزاد بكاه وقت ما حضنها ابوها
ابو مجد : وش قلت لك ي نوران
نوران :بس يبه هذا مرض وبصير من كل شي امرض ويمكن اموت...
قاطعها ابو مجد بصراخ وانفعال :فال الله ولا فالك لف وجهه عنها وزفر بضيق ودموعه نزلت حااره تحرقه على حال بنته ومن فكره انه بيوم بيفقدها مسح دموعه بقوه وكمل ابيك تصيرين قويه وتحاربين مرضك وتستعيدي عافيتك وانا ي ابوي ما بقصر معك و ان شاء الله تتحسنين بعد العلاج وطلع من الغرفه تارك نوران خلفه
نوران
ابوي من كلامه حسيت كأن اللي فيني ماهو بسكري وبس حسيت كأنه مرض اكبر واخطر ابوي ما بتنزل دموعه لجل مرض مزمن
هذا المرض بيأخذ مني كثير يمكن كلما ضاق خاطري يبان على معالم وجهي البهوت ويمكن ابطل حلوه
استغفرت ربها وتعوذت من الشيطان وبدلت ملابسها ونزلت المطبخ عشان تنضف المواعين و ترتب البيت
دخلت المطبخ وشافت امها قاعده وتكلم خالتها و كأنها ما تشوف عيون نوران المتورمه و اللي باسن عليها انها شبعت بكى
ام مجد : لا عادي حياكم بكلم ابوها بالموضوع و ان شاء الله مايصير خاطرك الا طيب، تمام ،ان شاء الله انها من قسمته، في امان الله، الله وياك خيه ولفت على نوران واردفت ببرود وقت ما تخلصين شغلك تعالي على غرفتي
نوران بهدوء : حاضر
وكملت شغلها و لحقت ورا امها وهي خايفه انها بتعطيها خبر يزلزل كيانها مثل ابوها هزت راسه تنفي الافكار اللي داهمتها ومشت في الممر ودقت الباب
ام مجد : ادخلي وسكري الباب
نوران دخلت وقعدت ع الكنبه مقابيل امها بهدوء : هاه يمه خير شتبين!؟
ام مجد بتسليك : كذا يكلمون امهم ي نوران
نوران : يمه ترا قلبي تعبان مايتحمل قولي شعندك الله يخليك
ام مجد بفرح : ترا عندي لك خبر
نوران :خبر ولا صدمه حددي!؟
ام مجد عصبت ووصلت حدها :بنت اش بلاك كذا نفسيه وش من صدمه وش من هبل
نوران بحزن :ابد ولا فيني غير السكري غير مرض بيهدني ويهد حيلي بعد يعني انا سألتك لجل تقولي لي وش نوع كلامك
ام مجد بنكسار : قال لك ابوك عن المرض!؟
نوران بنتهيده :ايه
ام مجد :تعالي لعندي يمه وفتحت لها ذراعيها لجل تحضنها
نوران كانت محتاجه احد يحضنها ويخفف عنها
حضنتها امها وهي بادلتها الحضن
ام مجد : ابيك تصيرين قويه وما يهزك شي وحتى لو المرض ما كان مجرد سكر
نوران اكتفت انها تهز راسها بس طرى على بالها وش هو الي امها كانت تكلمها فيه :يمه بغيتي تقولين شي وشهو!؟
ام مجد : تذكرين جيران خالتك العنود!؟
نوران :ايه وش جاب سيرتهم اللحين
ام مجد : هم ساكنين في لندن وطلبو من خالتك تكلمنا انهم يبوك لولدهم قصي
نوران نهضت بسرعه : وش يممه تبيني اتزوج قصصيي!!
ام مجد :اييه شفيه رجال متعلم وبيسكنك في لندن مو كان ودك تسكنين هناك
نوران زفرت بضيق : لا يممه كنسلت ما ابي وبعدين ما تدرين عن سمعه قصي ووش سوا
ام مجد : لا ما ادري علميني
نوران وقفت : الحين ارخصيني يمه ابطلع ولامن جا مجد سالتيه عن قصي وسمعته وهو بيعلمك
طلعت وسكرت الباب
أنت تقرأ
يا هـوى يـذوب الـروح لحدٍ جاب طاريه و يامن طلب روحي قالت الروح افـديه
Poesíaاول رواياتي لا تفوتكم وان شاء الله تحبوها وتعجبكم🥹💜 نبذه حول الروايه💥↓ بعد غربةً طالت زمن يأتي ليغرس بداخلها إعجـاب وحـب ليـدخل الامن في قلبها ليبث الحنـان والطمأنينه في روحها وليبداء باول مراسِم حبهما ليدخل في يدهـا خاتمـاً ليجعلها ساكنةً للغي...
