يا هـوى يـذوب الـروح لحدٍ جاب طاريه
و يامن طلب روحي قالت الروح افـديه
بقـلمي/Malaaz_sky
"اشوفك سماء عمري ونجومها والافلاك
ورياح الزعل لا هبّت أبىّ قلبي يمشيها
اغليك واحبك واعطيك قلبي لرضاك
ورب الكون ما احب غيرك ولا اسويها
وعمري لو خذيته مني قلت لك يهناك
وروحي تطيعك لو على القبر توديها
أشعـاري 💥💛
بعد رجعت نايف الكل قرر انه يرجع بحكم ان الدنيا اضلمت وصار الجو بارد
ابو حسام : وش رايكم اللحين نرجع ع البيت ترا الجو صار بارد
ابو مجد :وانت الصادق يلا ي عيال ساعدو الحريم وارفعو العفش وخلونا نتوكل
الكل صار بحاله استنفار اللي يطفي النار واللي يرفع المواعين واللي يرفع السجاد .....الخ
الكل طلعو بسيارات والكل انحاش بسبة نايف اللي طلع بسيارته وسبب زحمه
كان ترتيبهم گ الاتي 🙂
سيارة مازن
ابو مجد،ابوحسام،ام نايف،ام حسام،ام مجد
سيارة مجد
أمير،كنعان،مزوُن،ميار...سجى،إيلين،نوران في صندوق السياره
بعد مده طويله الكل وصلوا وتفرقاو في حوش البيت كل واحد دخل بيته معدا ميار ومزوُن اللي قررو انهم يكملوا سهرتهم بما ان بكره عطله
عند البنات
مزوُن بضيق : ميار قايله شي لنايف عني!؟
ميار بستفهام :عن ويش تقصدين!
مزوُن :لا تردي على سؤالي بسؤال....وسكتت فتره قصيره.. عن البثوث قايله له شي ان احنا ندخل البثوث
ميار بحده :شفييك انتي... انا بقوله عن شي مثل كذا بويش احلف لك اني مانطقت لاحد بسالفة البث
مزوُن تنهدت :أجل ليه انا بذات!!!!
ميار :والله اني مثلك مستغربه....واردفت بتساؤل بتواافقين
مزوُن خزتها وردت بحده : مشفوحه ع زواج اني ولا وش تشوفين!
ميار خافت من ردة فعل مزوُن وقامت تبي تدخل : بكيفك ياخي لا تعصبين
مزوُن تنهدت :اسفه
ميار التفتت وابتسمت بهدوء :ما يخالف ي عيوني
ودخلت ميار بيتهم ولحقتها مزوُن بس على بيتهم
مزوُن
دخلت غرفتي وانا ضايقه و احس بشعور غريب وقاعده افكر يعني نايف ماهو بأول واحد يتقدم لي و انا مستغربه من نفسي لييه ما قلت ما ابيه!
ليييه ما ارفض مثل كل مره؟
وحتى لو انه يقرب لي و ولد عمتي
لييه ما اعطيته عذري المعتاد ما ابي اتزوج ابغا اكمل دراستي!؟
غرييب اللي اعيشه اللحين بس شكلي بستخير و أوكل امري لله وتلحفت زين ونامت
الصباح ببيت نايف
ام نايف وهي تدق باب غرفة مازن وسجى اللي كانت غرفهم جنب بعض : ي عياالي اصحو الله يهداكم افطرو وبترجعو تفطرون
سجى كاتمه صوتها بالمخده :إجاااززه يممه إجااززه
ام نايف :نددري إجازه بس اصحي ابقلك شغله
سجى وصوتها غالب عليه النعاس : اددري ان الشغله ذي كذب وانك تبيني اصحى بسس مييته نوم واللي يعافيك يمه ما ابي مالي نفس
ام نايف بإحباط :برااحتك
ميار جت هي ونايف صوب امهم اللي تدري بمازن وسجى لو تدمر الدنيا ما بيصحو
ميار باست راس امها :صبحك الله بالخير يممه
ام نايف وهي تردها لميار وتنزل من ع الدرج :صباحتس نور وعافيه ي بعد قلبي
نايف مثل سجى باس راس امه : ي زيينك يممه انتي والسين
ام نايف. وهي تجلس في سفره الاكل عشان يفطرون :ي حبي لكم انا ما عندي غيركم اما الكسولين ذول فما عندهم غير المناقره طول اليوم
نايف :ماعلينا يمه توهم صغار
ام نايف بسرعه :وش صغار يمه الله يهداك هذول كبرهم بكر البقر
ميار تضحك على كلمة امها :بحفظ هذي لجل اذل مازن و سجى بها هههههه
نايف دف ميار بمزاح :اذلفي وانتي روحك المحارشه
ميار : وانت ويش ولا خلاص بتتزوج صرت عاقل
نايف تحولت ملامحه للجديه :امشششي بس
ام نايف اردفت بتساؤل : يمه قول ليه بنت خالك بذات لو انك مخليني اختار لك بنيه ثانيه ما كان افضل!؟
نايف : يمه انا ما بلقى افضل من مزوُن
ميار وهي تحاول تمضغ الاكل بسرعه عشان تتكلم رفعت نظرها من على الصحن :تــحــبـــها!!؟
نايف عصب من طاري الحب :لا ما احبها وقام من ع السفره والتفت على امه اوردف بثقل الحمد لله سفره دايمه يمه
ام نايف : لييه يمه شفيك انت توك جلست ما أكلت شي!!
نايف :الحمدلله شبعت يمه اللحين ارخصيني ابطلع
ام نايف بتنهيده : فمان الله ي وليدي فمان الله
ميار :تهقين عصب عشاني قلت له إذا يحب مزوُن
ام نايف :العالم الله بس ماودي مزوُن تتزوج بنايف
ميار بشك :ليه يمه نايف رجال وما فيه عييب
ام نايف :ادري بس مزوُن طيبه وتحب انها تكمل دراستها وفرفوشه اما نايف الله يهديه قاتل نفسه لا عنده اصحاب و لا يحب الجمعات والاختلاط
ميار تنهدت براحه و هي اللي كانت تحسب ان نايف فيه شي مسكت كتف امه :عشان كذا متوتره اجل بقلك مزوُن لو وافقت على نايف بتغيره وانا اضمن لك يمه انها بتغيره للافضل وبتشوفين
ام نايف :يالله انك تسعده وتريح قلبه
ببيت ابو مجد
الكل على السفره يفطرون وكل واحد ملتهي بنفسه
ابو مجد ربت على ظهر نوران : نوران ي ابوي لا شبعتي الحقيني على الغرفه
الكل ناظر نوران ومنتظرين ردة فعلها
نوران مسحت يدها وقامت : سم يبه اللحين بلحقك
لحقت ابوها وطقت الباب
ابو مجد : ادخلي
نوران جلست جنبه ع القعده : هاه يبه بغيت شي
ابو مجد اردف بثقل وتوتر : تدرين يا بنتي ان الانسان معرض للإبتلاء من رب العالمين وكل شخص الله يبتليه بشي لجل يشوف مدئ قوته وصبره وهل انه بيحمد الله ويشكره ولا يسخط
والانسان القوي الصبور الحامد لله في السراء والضراء هذا له اجر وانتي تدرين بكلامي صح
نوران بخوف :ايه يبه ادري بس وش صاير لجل تحكي لي هذا الكلام
ابو مجد يحاول انه يخفف عليها : في شخص الله ابتلاه بمرض وهذا المرض ماهو بخطير يعني مجرد سكر....
نوران قاطعة ابوها :انا فيني السكر صح
ابو مجد : خليني اكمل
نوران تبلع ريقها بصوبه : فيني مرض السكري يبه رد علي الله يخليك لا تلف وتدور
ابو مجد من حرقته اكتفى انه يهز راسه بس
نوران بتدت شهقاته تطلع واحده وراء الثانيه ......
بعد طول غيياب رجعت ببارت ماهو بقصير ولا هو بطويل 900 كلمه
بس التفاعل ماش عدد المشاهدات اكثر من التصويت
اكتبو توقعاتكم للي بيحصل مع مزوُن و نايف
و نوران و مرضها
أنت تقرأ
يا هـوى يـذوب الـروح لحدٍ جاب طاريه و يامن طلب روحي قالت الروح افـديه
Poesiaاول رواياتي لا تفوتكم وان شاء الله تحبوها وتعجبكم🥹💜 نبذه حول الروايه💥↓ بعد غربةً طالت زمن يأتي ليغرس بداخلها إعجـاب وحـب ليـدخل الامن في قلبها ليبث الحنـان والطمأنينه في روحها وليبداء باول مراسِم حبهما ليدخل في يدهـا خاتمـاً ليجعلها ساكنةً للغي...
