يا هـوى يـذوب الـروح لحدٍ جاب طاريه
و يامن طلب روحي قالت الروح افـديه
بقلـمي /"Malaaz_sky
ليـهه الفـراق ي محبوب قلبـي والتغـلي!؟..
وليـهه تتـركني في بحر حبك ي حبي اذوب!
وقلـبي من اشـواقه ي بعـد قلبـي ممتـلـي...
ومهمـا يطـول الغيـاب عن حبي لك والله ماتوب.
أشــعااري 🔥
بعد العصر الكل متجمعين بالحوش عشان يتوزعو في السيارات
ابو حسام :يالله كل واحد يطلع على سياره تأخرنا
ابو مجد بتساؤل :وينه حسام وزوجته
ام حسام :بالي مايردها ان شاء الله
ابو حسام التفت على زوجته بحده :وش بلاك انتي تدعين ع المره خلي الخلق للخالق واهجدي
جميله بنبرة همس للأم مجد :وش فيها سلوى معصبه كذا
ام مجد بنفس الهمس :ابد طال عمرك اكيد الحيه هاجر مسويه شي يوم نوصل بنسألها امشي نطلع مع نايف والتفتت على ام حسام وسحبتها من يده امششي قبل لا يطلعون مع نايف البنات وبعدين نبتلش بسواقة مجد ومازن
ام حسام :اصلاً هم مايحبون يطلعون مع نايف وبنبرة تقليد للبنات "مانبي نطلع معه يمشي كنه سلحفه"
جميله ضحكت :الله يهديك ي سلوى امشو امشو
نوران :سجى وين نطلع !!
سجى : نطلع مع مازن مزوُن وميار حاجزين سيارة اخوك يقولون مايبو ينحشرون بسيارة مازن وعشان يبعدون عن الضجه
إيلين : خلاص نطلع بسيارة مازن هي مافيها احد غير أمير
نوران :عااد امرنا لله خلونا نطلع قبل لايعصبو علينا رغم اني خايفه نمل ونضيق
سجى اعطتها نظره وسفهتها ومشت
إيلين : وليه ي بعدي بتضيقين كأنك ماتمدحي الطلعات مع اخوي!
نوران قربت من إيلين وهي تشوف سجى ابتعدت منهم تبي تطلع وتحجز مكان جنب الشباك
:المشكله مب اخوك المشكله انو تو أمير جانا وماندري عن طبعه تخيلي مايخلينا نشغل شي!!
إيلين :صاادقه بس دام ومازن معنا لاتخافي بنخليه يشغله وغصب عن خشمه هالامير
وطلعو كلهم ع السيارات وحركو ع الوادي الي متعودين يروحون له كل جمعه
كان ترتيبهم بسيارات گ الاتي
سيارة نايف
كنعان،ام حسام ،ام مجد،جميله
سيارة مجد
ميار،مزوُن،ابوحسام،ابو مجد
سيارة مازن
أمير،نوران،سجى،إيلين
بسيارة مجد
البنات يقرون روايتهم وساكتين والشيبان يتكلمو بمواضيع الشغل ومجد ساكت لانه مايبي يتدخل وابوه زعلان منه ويفشله قبال عمه والبنات عشان كذا فضل انه يضل ساكت
بسيارة نايف
كالعادة الامهات مقضينها نصايح وي ولدي تزوج وشوف حياتك ومدري ايش وامه تهز براسها وتأيدهم
ام حسام :ترا ي نايف انت أشر واحنا نروح نجيبها لك
نايف بمزح :بتخطفوها!!
جميله :وليه نخطفها!! نطلبها من اهلها ونزوجكم
نايف يجاكرهم ويمثل الحزن :ابد بس اهل البنيه مابيرضو يعطوني هي
ام مجد :عمى بعين العدو لييه اصلاً لو يشوفو الزين والرجوله وكلشي عندك بيعطوك البنيه بدون مهر هههههه
نايف :احممم ي خالتي لا تخليني اغتر بروحي واصدق
جميله :صدق ي وليدي صدق ليه مين قدك
كنعان :زوجوني انا احسن ما تترجون هذ الحيط
نايف :حيط بعينك ي الورع الي بعمرك يقولن يبون حليب هههه مب زوجه
ام مجد :هههه والله انك قليل حياء تبي تتزوج
ام حسام :ههههه انت اكبر على اقل عشر سنين ونزوجك احسنن بنيه في السعوديه
ام نايف (جميله): ايه بنزوجك سيدة البنات
كنعان يضحك :بس انا ابي اتزوج مع نايف ولا وش هو شورك ي نايف ولا تبون نايف يتنظر عشر سنين لقدام
نايف :اييه تنزوجك انا وياك ونسوي احسن عرس وننتظر عشر سنين ماعليك
ام مجد و،ام حسام، و ام نايف تكلمو بنفس الوقت وبصوت عالي :وشـهـوو!!!؟
نايف مات ضحك :لا تخافو لاتخافو مابنتظر عشر سنين قرررريب بقلكم ابي اتزوج بنت فلان
ام نايف :ي قلب تمك من جدك قرريب
نايف :اايه يايمه قريب قريب وشغل الراديو منهي النقاش
أنت تقرأ
يا هـوى يـذوب الـروح لحدٍ جاب طاريه و يامن طلب روحي قالت الروح افـديه
Puisiاول رواياتي لا تفوتكم وان شاء الله تحبوها وتعجبكم🥹💜 نبذه حول الروايه💥↓ بعد غربةً طالت زمن يأتي ليغرس بداخلها إعجـاب وحـب ليـدخل الامن في قلبها ليبث الحنـان والطمأنينه في روحها وليبداء باول مراسِم حبهما ليدخل في يدهـا خاتمـاً ليجعلها ساكنةً للغي...
