يا هـوى يـذوب الـروح لحدٍ جاب طاريه
و يامن طلب روحي قالت الروح افـديه
بقــلمـي/ Malaaz_sky
أمنتك القلب وهو من فرقاك ضاع
وفؤادي المتبول ذي بحبك انسقم
يشكي لك البين و من ضاريات الوساع
ينهد حيله يا وكم قلب منك انهزم
اشعـــاريي🖤🥺
نوران شافته وهو يناظرها على طول رجعت نظرها لتحت وقالت بهمس الكل سمعوه : قال خجول قال كنه ما قعد مرتز مثل الجدار
إيلين بفضول : منو اللي مرتز ويطالعك !!؟
أمير تلعثم وتوتر خايف انها تقول لهم وسجى تعلم عليه ابوه وبعدها يلعن خيره : هـ..ـو وش دخلنـ....ـا
سجى : وانت وش حاشرك اسكت خلينا نسمع
مين هو ولفت لنوران اللي جالسه وراها : نونه مين هوو بلييز قولي لنا
إيلين : اذا مستحيه من الدلخ اللي قبالك فـ ارسليها رساله يلا
نوران بثقه : لا عادي بقولها وش يفرق كنه مجد ولا وش قولتك يا امير!!
أمير هدا من نفسه : ايه قولي
نوران : قولوا كان في شخص قاعد يطالعني من وقت مامشينا بسيارته بحكم اني فاتحه زجاج السيارة
أمير ابتسم ابتسامه جانبيه : ههه عادي تراه مو حرام لانك مغطايه
نوران : تقدر تفرق بين الحلال والحرام انت!!؟
البنات اعطوها نظره خلتها تسكت وصار صوت الاغاني الهاديه هو المتوسطهم
نروح مكان صار لنا كثير عنه"
بيت الريم
الريم
قاعده ارتب في اغراضي رن جوالي قمت خذيته وسفهت الاغراض لما شفت اسم المتصل
_ جراحـي🩹
الريم : يخيي وش الكبر ذا و على منو علي انا الريم ويقسى قلبك وما تسأل عني!!
جراح : اول شي السلام عليكم كيفك اخبارك عساك طيبه
الريم تنهدت : وعليكم السلام ورحمة الله وبركاته
بخير لله الحمد وسكتت شوي واردفت بحزن جراح !!!؟
جراح : لبيه ياعين جراح انتي
الريم : تكلمت معه صح كيف حاله! ايش اخر اخباره!! هل شفت شي بحسابه!!
جراح : تبي الصراحه وقسم صرت احسد مازن ذا على الحب اللي تحبينه
الريم : ههه الله يرزقكك ببنت الحلال اللي تحبها وتحبك
جراح : يارب المهم بقولك اني اتصلت عليه وتكلمنا بس اول اتصال ماكان حلو للامانه صار مشاحنات وكذا وتدرين سمعت ان واحدمن عايلته تزوج
الريم : يمكن اخوه الكبير نايف
جراح : ايه احتمال الحين وش شورك ادق عليه وتكون مكالمه جماعيه بس ياويلك ان فتحتي فمك بكلمه
الريم فرحت من قلبها : تم والله ما اتكلم بحرف واسمعكم بسكات
جراح : زين انتظريني ادق عليه وارجع لك
الريم شغلت كاتم الصوت وهي بتمووت من الفرح لانها وأخيراً بعد اربع سنوات بتسمع صوت حبيبها اللي اتهمها بالخيانه وكانت تهمته لها باطل ولا في يده الا دليل ضعييف مرره
جلست ع السرير تحاول تتماسك و متنهار وقت تسمع صوته
كنت منسدح وافكر عند اللي ماخذه تفكيري وكلي اكييد الريم اللي من وقت ما تركتها ما تهنيت بنوم بسبة شوقي لصوتها وعيونها ابتسامتها كل شي فيها اشتقت لها كثييير
رن جوالي وفزيت حسيت كن قلبي نغزني شفت الاسم وسفهته صمتت جوالي وقعدت العب فيه والهي نفسي الرقم قعد اكثر من 11 مره يتصل بعدين ذاك الرقم ما عاد دق بس دق رقم مجهول عندي فتحت الخط و قعدت اسمع ساكت
**** : ترضاها علي وما ترد!!؟
مازن ارتبك انصدم فرح انكسر كل شعور كان يحسه بذيك الساعه : الـ...ريم ال...ريم !!؟
الريم : ايه الريم اللي كسرتها وخذلتها ايه الريم اللي ماصدقت كلامها ولا يمينها الريم اللي اهنت كرامتها واتهمتها بالخيانه مع ولد ماهو يحل لها و محرم له الريم كسرت كبريائها الريم اللي ادخلتها بـ إكتئاب ومرض نفسي الريم اللي كنت لها العلاج اللي مالقته و اللي سببت لها المرض و دواها كان بين يديك و عييت انك تعطيها اياه لكن خلاص كل اللي كان بيننا انت خربته وكسرته و الزجاج لو انكسر ماعمره يرجع زي اول واللي حبيتها جديد عسى الله يهنيك فيها هذا اللي بيدي اقوله فودايع الله وسكرت الخط ــــــــــــ
مازن
قعدت اسمعها بشوق ولهفه وانكسار من كلامها معقول انها مرضت وجاها اكتئاب معقول تكون مظلومه معقول ان كلام جراح صدق وانها ماتحل له!!!؟ معقول انهم انهم اخوااان ضربت يدي بالجدار بقوه انقهرت لاني رجعت دقيت عليها وما ردت لانها للاسف حاطه عليي حظر غلبني النوم وانا افكر
الريم
وقت اتصل جراح عليه ما رد كرر اتصاله اكثر من عشر مرات بس مافي فايده انا كنت متلهفه اسمع صوته بس لما سفه اتصالات جراح حسيت كانه خلاص صار له حبيبه جديده غير الريم اللي وعدني انه مستحيل يبدلني هو اكيد مشغول يكلم حبيبته ومارد على جراح فا انفعلت ورحت.....
فـــلاش بـــاك ↓•
ريان منسدح ع الكنبه اللي في غرفته ومغطي عيونه بشماغه دق الباب ومعروف ان اللي يدق بذي الهداوه الريم
ريان : ادخلي
الريم دخلت وهي تحاول تتدارك غصتها وجلست قريب منه
ريان فتح عيونه وشاف وجهها احمر وهذا خلاه يحس انها متضايقه : علامك يبنت من زعلك اش فيك
الريم : جوالك ابي جوالك قول تم
ريان : وليه اقدر ارفض تم ولبيه وتامري بس لويش تبينه!؟
الريم : القصه انوو........................................
وعلمت اخوها عن كل شي
ريان تنهد : خذيه بس بتكلميه قبالي
الريم : طيب
اعطاها الجوال ودقت على مازن وقالت اللي قالته وبردت حرت قلبها شوي و كسرت قلب مازن بزياده لما علمته عن اللي جاها
ريان : ما تحسين انك زودتيها ما كان مفروض تحكي له عن ضروفك الصحيه!!
الريم : ادري بك ماتبيه يشفق علي وانا بعذ مثلك ما ابي شفقة احد بس ابيه يعرف وش هو خطاه ابي يحس بذنب وضميره يأنبه ولا يرتاح مـ....ـع مـع حبـ..ـيببته وانفجرت تبكي وغطت وجهها بيدينها وصارت تبكي وتكتم صوتها
ريان لما شافها هدت : تدري وش نفسي اسوي فيك
الريم بين دموعها : وش!
ريان : اكفخك لين ابرد حرة قلبي يعني تبكين على واحد باعك من اول مشكله من اول ضرف هذا يستاهل دموعك
الريم : لا ما ابكي علي كذا ابكي لان اهلي ماهم حولي الا بمالهم وجاهم انا ابي حنان امي. وامان ابوي يخي تعبت يمكن لو كان بيننا شي انا ومازن كان تفاهمنا اما انه خاطبني منك فذا الشي ما فادني لا انا ولا قلبي وطلعت من غرفته بسرعه وراحت لسريرها وغلبها النوم هي بعد
أنتــهـى الفــلاش بــاك ❤️🩹
انتهى
تصويت
كومنت
و شكراً
🤍🫶🏻
أنت تقرأ
يا هـوى يـذوب الـروح لحدٍ جاب طاريه و يامن طلب روحي قالت الروح افـديه
Poesíaاول رواياتي لا تفوتكم وان شاء الله تحبوها وتعجبكم🥹💜 نبذه حول الروايه💥↓ بعد غربةً طالت زمن يأتي ليغرس بداخلها إعجـاب وحـب ليـدخل الامن في قلبها ليبث الحنـان والطمأنينه في روحها وليبداء باول مراسِم حبهما ليدخل في يدهـا خاتمـاً ليجعلها ساكنةً للغي...
