احببتك انت

♥️

#احببتك_انت
.
.

عيدكم مبارك وكل عام وانتم بخير وصحه وسلامه يارب، ينعاد عليكم شهر رمضان بالصحة والعافية و ان شاء الله السنه الجايه من ينورنه تكونون محققين معظم امنياتكم إذا مو كلها

يارب تقضون ايام العيد بكل فرحه و سعادة و يبعدكم عن اي مكروه و حزن، آمين 🤲🏻

حبيت اعايدكم هنا و اتمنالكم كل الخير
ونحجي بينه شويه لان كلش مشتاقتلكم والله

.
.
.

ابطال قصتنه احببتك انت يسلمون عليكم و يعايدوكم و يتمنون الكم السعادة + يشكروكم نفر نفر على محبتكم الهم

و اول من طلب انزل المعايدة هو محمد و شجعني انه انزللكم طبعا لسبب أيضا أضافه إلى انه هو ديقرة القصه بسبب سارة و نقها هسه اكوللكم على شنو و ديشوف محبتكم اللي الله ينطيها للناس نعمه

.
.

محمد يشكركم و يكول هواي شايف طالبين حساب سارة يردون يتواصلون وياها

سابقاً جانت سارة تكوله البنات يردون حسابي و تحاول تقنعه بشتى الطرق صراحه مجان يصدك لان حرفياً ممتوقع انه صدك مو شقه و عباله القصه خلصت انحذفت لان تواصلي وياهم عادي مو مثل اول واطلب تفاصيل لان دا اكتب غير قصه عنهم

المهم من بعد محاولات و اني هم حجيت وياه
راح نزل الواتباد و بلش يقراها 😂
طبعاً حسب متكول سرو يقرة تعليق تعليق
واكو تعليقات غالطين لو حاجين عليه
تكول يتعارك وياها شوفي لهذا منعتج تكتبيها بس تعاندين وووو

مع هذا كله محمدنه رفض رفض قاطع انه سارة تكشف حسابها رغم هي هواي معلقه هنا و اغلب البارتات موجودة تعليقاتها بس محد يعرفها ورادها تحذف بس كتله يابه المتابعين ما يعرفون هاي هي سارتنه اتركها خطيه

اكو تعليق بنوته كاتبه هواي بطلات كاشفين عن حساباتهم الشخصيه و عادي ازواجهم قابلين ووو

حبايبي اني هم اقرة قصص مو بس اكتب
ومتابعه هواي بطلات قصص منهم سيلي و ريفانه
زهراء و افراح و بعد هواي صح كلامكم بس ازواجهن يقبلون، محمدنه ما يقبل يكول اذا يردون الحساب المن مغيرة الإسم و خافيه نص معلوماتها وهيج والصراحه اني هم هذا رأيي دائما اتسائله اذا بطلاتنه كاشفات حساباتهن المن بعد مغيرين و مع ذلك يبقى الموضوع حريه شخصيه و حقهم انه احنه نحترمه 🤷🏻‍♀️

حبايبي تعليقاتكم كلها توصلني وكلها أشوفها
بس مدا اجاوب لسبب ما و تعرفوا بعدين بالذات التعليقات المسيئه، واكو كلام والله بلسم هالگلب يخليني ارد بدون ما أندم

اكو هوااااي بكتبون القصه مو حقيقيه
اني من كتبتها قبل 3 سنوات جنت اداوم جامعه وجنت اكوللكم عندي إمتحان و عندي دراسه ووو يعني كلش ممعقول اضايق دراستي لأجل قصه مالها واقعيه

رغم قرار محمد ترة دا ابقه ازن على راسه حتى يقبل سارة تنطيكم حسابها و بكل صراحه فقط علمود تصدكون انه هم ناس حقيقين و عايشين بأرض الواقع ويانه، وهذا طلب لمحمد هم كدامكم كلكم حتى يعرف السبب الرئيسي 🙂

نقطه هواي تسالون عنها هو المفردات
ما اذكر اذا منبها عليها سابقاً بس راح أوضح هسه هم
اغلب مفرداتي بالقصه هي مكتوبه باللهجه الكظماويه
صراحه ما انتبه كلش حتى احولها للهجه البغداديه
اكو بيهن جنت اغيرهن واكو باقيات على السياق لان تجي واللي ما منتبه اللهجه الكظماويه هي اللي تنتهي بمقطع (يالي) اما البغداديه هي تنتهي بمقطع (ياها) مثل (انطيالي - انطيني ياها) وهكذا يعني 🤭

طولت عليكم ادري بس والله جمعتهن كلهن 😂
هذي الملاحظات كم يوم و احذفها وان شاء الله انتظروني بالبارت الإضافي بعد فترة قليله ان شاء الله

شنو عدكم تردون تسالوه اكتبوا هنا راح اتركه 3 أيام
وانوب نجمع الاسئله و سارة تجاوبكم كلكم

الخاص ما اجاوبه بس على الانستغرام
سو كلش اعذروني لان صارتلي مشكله و الحساب توقف بس حمدلله عدت على خير وكدرت ارجعه

.
.

وهسه نكول
كل عام وانتم بألف خير مرة ثانية
ويارب ينعاد عليكم بالصحة والعافية
اشوفكم على خير ان شاء الله قريباً
انتظركم بكسرة روح أيضا مازالت تنزل

دمتم بحفظ الرحمن، تصبحون على خير

الكاتبه : إسراء الخزرجي ♡