#احببتك_أنت
#جيانا
.
.
"وبرب الوريد الذي ينبض باليوم ألفآ: أحبك🍃❤️
.
.
محمد :
صبح يوم الحنه
خلينه الحنه بس عد سارة
ما اسوي اني حت من يجيبون الغرفه اكون موجود
بالليل اهلها هم يجيبون الغراض مالتها
صفيت الكنتور كله و فتحته نزلته
وي نزلتي اجت غيداء و رجلها
محمد. «يا هلا هاي شوكت جيتو»
غيداء .«مصار عشر دقايق ، مبروك حمودي»
محمد .«الله يبارك بيج»
اكرم .«مبروك سبعنه»
محمد .«يبارك بيك حبيب ، شلونكم»
غيداء .«حمدلله ، امشي نصعد حت انت و تشتغل و نحجي»
محمد .«اي والله احسن»
اكرم .«صبري ولج خل نسلم اول»
محمد .«ماكو احد 😂»
اكرم .«هااا ديلا لعد»
محمد .«شوكت ترحين لبيت سارة»
غيداء .«هي الحنه ب5 اروح فد ب4»
محمد .«ترة حماتها انتي مو من الغربه حت تحسبين وقت»
غيداء .«اعرف ، اصلا اريد اروح هسه بس اكرم ميقبل»
محمد .«ولك لا تطلع غيرتك بعرسي»
اكرم .«لا والله مو هيج بس غيداء شوي حملها مو تمام و كالت الدكتورة كون كله نايمه مو زين اللي جبتها»
محمد .«اااا اي صح هم حقك انشالله يجي بالسلامه ، يلا خل يطلع على خاله من هسه اكولج»
غيداء .«ههه يكفي عندك امير نسخه منك»
محمد .«لا امير ابن اخويه يختلف عن ابن اختي»
غيداء .«ههه دخل يجي والله كريم»
محمد .«اكرم اسحب الصاجه»
اكرم .«اي»
سحبنه الصاجه و فصخنه السرير
نزلناهن كلهن و فرغنه الغرفه
ساعتين و اجت سيارة الحمل نزلوا الغرفه الجديدة صعدناها شديناها
غرفتي الأولى بعتها ألهم هم يستفادون منها
شدينه الغرفه و رتبتها غيداء
صارت الـ3 تحضرت حت تروح
اكرم يزن على راسها و يوصيها ما تتحرك
رغم بالغ شوي بتوصياته
بس حقه لان هذا أول طفل
محمد .«غيداء نروح سوة احسن»
غيداء .«عزة اروح ب5 ونص شكو خو ابقى احسنلي»
محمد .«غير يروح احد وياي متردين ولي»
غيداء .«لا حبيبي خلص اجي وياك»
صارت الـ3 ونص طلعنه اني و اكرم للحلاق
انجمعوا الولد هناك فاجئوني
عقيل و علي و إحسان و اسامه
مرتجى و رزاق و عباس و كرار و الباقين ولد عمي و مرتضى هم إجه
الشله كلها نجمعت بالحلاق
شالو محل الحلاقه شيل بالاغاني و الركص
سوولي أجواء خرافيه
إحسان كال حجز مزايق لباجر
و علي هو اللي يريد يزفنه
اسامه حاجز الفندق بدال أبويه
عقيل كال هديتك خاصه بعدين
خلصنه و طلعنه على بيتنه اخذنه غيداء و توجهنه لبيت سارة
الطريق كله ركص و ضحك
وصلنه الفرع و بدت الهلاهل منين ما اعرف 😂
جنت حاسب عرسي رح يصير هادئ
ما اعرف بيهم راجعين و هيج مخططين
صدك من يكولون الاصدقاء اخوة
و أني محظوظ بصداقتهم
دخلنه البيت و دكو بالحديقه
جعفر باركلي و اخذ طريق حت ادخل
متحمس اشوفها ، مشتاقلها
اريد اصرخ كدام العالم اخذتها و فزت بگلبها
جعفر .«محمد تفضل»
مصطفى .«شوف بحنتي خلوني بس عشر دقائق اذا سمحولك تطول اموتك 😂»
محمد .«هههه اذا ما اشلع وصله ما اطلع»
مصطفى .«لعد كوللهم اريد اعيد عرسي»
محمد .«هههه يلا وياي عيد على الواهس»
أنت تقرأ
احببتك انت
Romanceالقصه باللهجه العراقيه تفاصيل بين ثنايا الحب ايهما انت منهم ؟؟ دائما نسمع ، زواج التقليدي مو ناجح لان ماكو تفاهم مثل ما نتزوج عن حب وزواج الحب مو ناجح لان بعد الزواج يموت الحب وهيج الحب اندثر بين هذا و ذاك وشنو اللي رح يصير هنا ، زواج تقليدي ي...
