.
#احببتك_انت
#جيانا
.
.
طلعنه ناخذ سونر وهم محمد مقبل اله يدخل وياي
لزم ايدي وبقه يمي من دخلت
خلتلي الدكتورة جل وفرت الجهاز
الدكتورة .«ماكو حمل ماماتي رحمج نظيف»
سارة .«عزة ياحمل»
محمد .«هههه دكتورة يا حمل»
الدكتورة .«ههههه ، اي غير يروح توترها مامه سهله لا تخافين»
يمه وكف كلبي
شسالفه اليوم ياهو اللي يجي يخجلني
اخذت السونر ومدري شحجت وي محمد بالإنكليزي مفهمت كلشي
هو ساكت و يجاوب شوي حت ما افهم من ردة انوب
مسحت جسمي و عدلت لبسي و طلعنه
بالباب حجه وياي بهمس
محمد .«هسه نظيف شوكت اترسه بوليد»
سارة .«شبيكم اليوم حالفين تموتوني😭»
محمد .«ما ارتاح لحد ما نفرح بوليدنه»
سكتت شجاوبه بالله ، طلعنه برة
عمتي رأسا وكفت .«ها يمه بشروا»
محمد .«مبروك يمه چنتج حامل»
عمتي .«سودة بوجهك محمد شمسوي»
محمد .«هههههه ، اي حبلتها من البوسه
استغفر الله امشي يمه»
لزم ايدي ومشى وياي
اني لو يذبحوني ما تطلع قطرة دم
شبعت احراج و خجل اليوم
رجعنه للدكتور شاف السونر بقه ساكت
محمد حاجاه بالإنكليزي و ردله هم
عمه تحجي عليهم صوت ناصي لان يحجون بغير لغه و ما نفهم شي
محمد كاله باجر هيج وقت نجي انشالله
ارتاحيت رح احضر العقد
طلعنه صعدت بالسيارة على كيف
حسيت هاج الوجع عليه
خفت احجي انوب يرجعني جوة
يمكن تكولون مبالغ ألمي ، بس الله لا يراويه لأبن آدم ابد كثر ما يشل شل
وصلنه البيت اجت اسماء تركض تشوف شكو
عمتي بالطريق حجت عليه لان كاللها حامل
عرفت هسه هم يريد يسويها بيهم من ضحكته
رأسا حجت عليه
وي غيداء صعدت فوك ذبيت حجابي
شوي و دخل بيدة علاكه العلاج
كال لازم اخليه
بقيت صافنه عليه .«وانت تريد تخليه»
محمد .«لعد اصيح ابوي»
سارة .«ما والله ما ما خليك»
محمد .«قبل شوي مو جنت يمج و شفت»
غيداء .«شنو شفت»
محمد .«شفت وجعها غير ، ااخ اخ يلا ولج كومي حت يهدئ اعرف دتتالمين»
سارة .«والله ولا اخليك صيح عمتي لو اسماء»
محمد .«مو هستوني حبلتج عليمن مستحيه»
غيداء .«عزة سارة حامل 😱»
محمد .«اي توم 2 حامل ما تدرين»
سارة .«كوم اطلع برة والله اصيح عمتي»
محمد .«يلا باباتي لا تعبيني ، هاي غيداء هنا يمنه ارتاحي»
كوة يلا قنعني هو يخليلي
مددت على السرير و رفعت ثوبي
خلالي الجل و فركه على كيف
سارة .«محمد»
محمد .«ها حبيبي»
غيداء .«ترة هنا كاعدة شنو حبيبي»
محمد .«نجبي لا اطردج»
سارة .«ثنينكم طلعوا اشو»
محمد .«ههه ، يلا سكتنه كولي شنو»
سارة .«احلفك بجدك رسول الله ، معقول حالتي خطرة اللي الدكتور ما حجه كدامي»
أنت تقرأ
احببتك انت
Romanceالقصه باللهجه العراقيه تفاصيل بين ثنايا الحب ايهما انت منهم ؟؟ دائما نسمع ، زواج التقليدي مو ناجح لان ماكو تفاهم مثل ما نتزوج عن حب وزواج الحب مو ناجح لان بعد الزواج يموت الحب وهيج الحب اندثر بين هذا و ذاك وشنو اللي رح يصير هنا ، زواج تقليدي ي...
