السلام عليكم
_________________________
قمر : يوم واحد بمحرم كعدت الصبح متحمسة اليوم علاوي ينصب الموكب بالفرع كعدت اتريك باوعت امي جايبة كيلو حليب وكيلو كاكو وعلاكة لبلبي وعلاكة باقلاء وكاستر وكلاصات سفري وخواشيك ومواعين صغار همينة سفري للكاستر وكاسات سفري
كلششش فرحانه ومتحمسة طفلة متعرف شنو يعني محرم عبالي بس توزيع نخلي الناس تاكل ويكولون النه شكرا ، كمزت غسلت ورحت للمرايا اباوع للتراك الاسود لبستة البارحه حجيت. الللله شكد حلو دمعت عيوني اجه علاوي ضربني براسي بدون اي سبب
قمر : هاي ليش
علاوي: حط اصبعة على راسة بمعنى بكيفي
اخلاص: صباح الخير حبيبي اسويلك ريوك شتريد گلي؟
قمر: باوعت بقهر اعرفها دسوي هيج حت تبينلي انه هية تحبه اكثر منه، عفتهم ورحت لميت الفراش
ومشة الوقت عادي مابي اي موقف او اكشن الى الضهر
الضهر الكل نايم اني بالاستقبال احسب بالمواعين السفري حت اعرف شكد راح نوزع ضجت ودمعت عيوني شنو بس 100 ماعون
دخل علاوي جان بالشارع اجه بلهفة طفل كال ها قمر
قمر : ها كملت الموكب
علاوي : اي
تقرب مِڼـّي لزم ايدي ،وخرت ايده ووخرت مِڼة شبيك علاوي؟
علاوي: بس ابوسج شبيجج اثبتي شمسويلج اني بس اثبتي گتلجج
قمر: اهوو وخر والله ترا اصرخ ، اني ضعيفة وفاهية دفعني للحايط تكسرت ودمعت هو اجه راسا باسني بشفتي ولان ظليت ادفع بي ضربني براسي وراح وهو اساسا طفل حاله من حالي كلشي ميعرف ، اكبر مِڼـّي بسنتين
مشت الايام على هذا الحال اكثر شي اكرهة بعائلتي هو انه محد يكول كلام حلْـۆ يمشون على مبدا الحب افعال يعني مااذكر امي كالتلي ماما حبيبتي او نصحتني او صارت صديقة الي اذكر جنت صف ثاني ابتدائي وعمي حجه على ماما كال هاي الساقطة شلون تحجي ويايه هيج اذكر تعاركوا على شنو ماعرف المهم اني راسا رحت لامي كتلها شوفي عمو هيج حجة عليج
ااااخ ضربتني راشدي لحد الان اذكره صح هية دتربيتي ماافتن بس هيج؟
النفروض تفهمني محد يجي من بطن امه كلشي يعرف غير دكول حبيبتي حرام ميصير تفتنين وتعلمني افرق حت اعرف شوكت احجيلها عن الاشياء التصير ويايه وشوكت لٱ خلتني كلشي يصير ويايه مااحجيلها
اي شي تحرش اهانة ضرب كل شي ممكن يصير ويايه ماحجيلها
اتمنى لْـۆ صارت مثل صديقتي احجيلها كلشي خوفي قلقي فرحي حزني من واني صغيرة اكتم حت ماعرف شلون افضفض ابد مايوم عبرت عن مشاعري او تفكيري
اما ابوية فهذا حت ماكدر اححي بيه لان ماعرف شحجي؟ يعني هو بالدوام يجي الظهر يتغدى وينام يكعد العصر
حسين: قمرر حضريلي الحمام
قمر سويلي جاي
قمر انطيني جواريب
قمر مسحيلي الحذاء
قمر انطيني مي
قنر قمر قمر ، هذا ابوية الحمدلله والشكر احنه من الطبقة الوسطى يعني على كد انه ناكل اكلة زينه لَـگِنْ ماذكر طلعونة اذكر مرة كتلهم اخذوني وياكم لكربلاء
حسين: بابا من تزوجين رجلج ياخذج شلون هسة اني طلعت امج،
عوفي الطلعة ، الرسول صلى الله عليه واله قال الكلمة الطيبة صدقة
شوكت اسمع كلمة ينتعش گلبي بيها ؟
تصدگون احيانا اباوع على ابوي اتمنى احضنة
لتتوقعون فقط لي ميت ابوها محرومة منه لٱ
اني حت التصبح على خير اتمنى اكولها اني خجولة اي اعترف لَـگِنْ شنو سبب خجلي؟ اهلي طبعا
همة سبب تكوين شخصيتي كلهاا
مرة كعدت بابا لدوامة لان امي متكعدلة على مزاجها وهو مدري ليش يعوف اختي الحبيرة ويكعدني اني بالرغم اني حت البيض ميطلع طيب عندي هههه
قمر: صباح الخير
حسين: ها ونزل راسة
قمر: يلة اكعد تروح للدوام غير
حسين: اي روحي حضريلي الحمام هسة اجي
قمر رحت اجهزلة الحمام وبلشت اجهز الريوك الة والي ولاخواتي حتى نروح للمدرسة
رحت للمدرسة اني سادس باوعت على البنات ماعندي صديقات اني حيل مسالمة واحب يكون عندي صديقات بس ماعرف ليش ماعندي اتوقع لان هادئة.
لفت نظري بنية شگرة صف اول كاعدة وتعيط شعرها كلش حلو ومرتبة كلش
حطيت راسي على الحايط تذكرت نفسي بالاول امي كصتلي شعري لفكي
ابد مايوم كعدتني الصبح مشطتلي شعري جنت كلش اكره شعري اي اكرهة واكره شكلي لان مجنت مرتبة من دخلت للمدرسة اول يوم جنت حيل خايفة وارجف بس مااكول مااكول اني خايفة ورة درسين بجيت ماتحملت بس ماعيطت لٱ امي عودتني من ابجي تسكتني لذالك متعودة ابجي بسكوت وبهدووء
ظليت اناشغ اماشغ وسكتت وحدي
_________________________
في امان الله
لطفا لٱ تنسون التصويت ❤️
أنت تقرأ
دكتورة ثم خادمة
ChickLit(مبدئيا القصة واقعيه مع اضافة خيال بسيط) تروي لكِ القصة عن فتاة لٱ تختلف كثيرا عن الفتيات ،ستواجه المجتمع ستواجه الظروف ستواجه مواقف لٱ يمكن نسيانها هذه المواقف التي لابد ان حدثت معكِ وتسائلتي لِمَ لا انساها اليس النسيان بنعمة؟ لِمَ لٱ احضى بهذه ال...
