دكتورة ثم خادمة

Part 22

السلام عليكم اغاتي
ممكن ياحلوين متنسون تعلقون على كل فقرة ؟
_________________________
قمر: مر سنتين على زواج امير وسما مابيناتهم مشاكل غير مرة وحدة وحلوها بيناتهم عكس فدك وزوجها يومية سالفة

اني كل يوووم ادعي اكره امير لَـگِنْ واني ادعي اكول ليش اكرهة هو ممسويلي شي
بنفس الوقت ليش احبة ممسويلي شي

وهيج داخلي عبارة عن حرب مستحيل هذه مجرد افكار لٱ ابدا
هذه حرب محد يعرف مصيرها غير الخالق

حجيت وية عمو ابطل كال خليها غير مرة توو عجيب امر هالعائلة
ومرة ثانية هم حجيت وياه

الحجي: بابا زين عندي الج فكرة، ليش متشتغلين بالمستشفى الصبح والعصر يمنة واذا تعبانة متجين براحتج

قمر: خوش فكرة هم اتونس يمكم

اتفقنة هيج ورجعت للبيت تفاجئت وارتبكت بوجود عمو صلاح ومامون وهادي وعصام

بعد السلام تكلم صلاح
صلاح: بابا اليوم اجينة نخطب منسة بتنة لمامون ابنة وهمة اساسا واحد لايك للثاني

قمر: شنوو منسة ومامون شلون لعد موو،،سكتت بعد ماادركت انه صاير شي وكتلهم

اي عمو مدام كلتها انت بنتكم تدللون بس اسئلها وان شاء الله كل خير يارب

هادي: اي وجيبيها هنا بلا حت نتاكد من موافقتها

قمر: ماشي، رحت لمنسة وسئلتها شصاير حلفت ماكو شي ولا هو حاجي وياها ولا شي اجت ويايه

عصام: انت يمكن سمعتي شحجيني فگولي موافقة لْـۆ لا ومشينة

صلاح: على كيفك شني هدادة لْـۆ خطوبة

عصام :اي جا شحجينة

هادي: اندري

منسة: نزلت راسي بخجل وفرح ء،اا عمو اني،،،
خلبت وطلعت ماتحملت كمية الخجل

اجت وراية قمر
قمر: ها منوسة شبيج،ماحجت شي ،زين هسة انت موافقة مو؟

منسة: اي

قمر: ماشي لعد ح ابلغهم اني
رحتلهم وكتلهم
عمو البنية تستحي وتنطيكم موافقتهة

صلاح: اللللف مبرووووك مبروووك

قمر: اتمنالكم كل خير عيوني

عصام: هسة صيحيلها نقرا الفاتحة الهم

هادي: وخلي نحدد مهرهم هم

صلاح: يلا بعد ابوج صيحيها
قمر: صحتلها وقروا الفاتحة وحددوا المهر الحاضر او المقدم 10 والغايب او المؤخر هم 10

وبعد فترة تمت الخطوبة ومنسة طاااايرة فرح كالت هو مبلغها انه جان يحبها بس كابر لان صغيرة وهم جان ضايج لان رفضتة

كتلها بگلبي بطران هذا هو تحبها من البداية اخطب ونجب.

بيوم كاعدين العصر لاحظت رزان اكثر من مرة تصمم فيديوهات حزينة لاخوها المتوفي وعلى اغاني حزينة