دكتورة ثم خادمة

Part 23

السلام عليكم اعزائي
_________________________
قمر: رجعت للبيت واني حاملة خيباتي كالعادة نمت وكعدت نص الليل اباوع لرفقة غاطة بنص النوم ظليت اباوعلها وامسح على شعرها
هي حست وحضنتني
بادلتها الحضن وبستها، ظليت صافنة استرجع شصار وياية
بجيت بتعب عيوني يحرگني واحس بتعب مو طبيعي طلعت للحوش كعدت على الكرسي وباوعت للسماء
الجو حلو ،ظليت صافنة ودموعي ماخذها مجراها بهدوء.

توضيت واخذت مصلايتي وتربتي والمحرم والسبحة
حطيت عطر وكحل ومرطب وصعدت للسطح
صليت وقريت الدعاء
واجة وقت اشكي لربي ،تعودت من واني صغير مااشكي لغير الله.
حطيت خدي على التربة وبجيت بصوت مسموع.
ذكرت اني شسويت من ذنوب من لمست امير وباوعتلة وتمعنت بي اكثر من مرة

إِلَهِي إِلَيْكَ أَشْكُو نَفْساً بِالسُّوءِ أَمَّارَةً ، وَإِلَى الْخَطِيئَةِ مُبَادِرَةً ، وَبِمَعَاصِيكَ مُولَعَةً ، وَلِسَخَطِكَ مُتَعَرِّضَةً ، تَسْلُكُ بِي مَسَالِكَ الْمَهَالِكِ(هنا بجيت اكثر لان لامست مشاعري هواية) ، وَتَجْعَلُنِي عِنْدَكَ أَهْوَنَ هَالِكٍ ، كَثِيرَةَ الْعِلَلِ طَوِيلَةَ الأَمَلِ ، إن مَّسَّها الشَّرُّ تَجْزَعُ ، وَإن مَّسَّهَا الْخَيْرُ تَمْنَعُ ، مَيَّالَةً إِلَى اللَّعِبِ وَاللَّهْوِ ، ،،،،،والى اخره من مناجاة الشاكبن

استغفرت الله وذكرت الامام المهدي وشلون اني زعلتة وادخلت الحزن لقلبة

يالمهدي انت متستاهل الي سويتة بيك اني اخرت ظهورك انيي

شغلت قصيدة وينك للرادود باسم الكربلائي
اسمعها وابجي بهدوء
ياحبيبي اني اسفة بس والله نسيت وهم مو بيدي احس روحي متعلگة بي
حطيت ايدي على وجهي وحجيت بغصة احبةة

امير: يمكن هاي حوبتج

قمر: گمزت من وجوده عدلت كعدتي ومسحت دموعي
لٱ اني مااقصدك

امير: هه بعدج تنكرين

قمر: شلون اجيت اشو مشفتك

امير :طفرت منا وانت جنتي تقرين مناجاة

قمر: وشتريد

امير: مااريد شي بس اني مخنوگ وو،،سكت امير وماكمل كلامة

قمر :زين ممكن تروح لان كعدتنة مو صحيحة

امير: قمر اني اسف على تعاملي وياج بذيج الفترة بس صدگي اني من اول ما خطبت سما حسيت متحبني لذالك جنت تُعباُنٌ ومااعرف اتصرف

قمر بصوت خافت: خلاص الفات مات
سكتنة ثنبنة والهدوء مرعب بالنسبة الي

امير : دنك راسة وگال بغصة ،اني نكسرت

قمر: الله يجبر خاطرك

اتكأ امير على الحايط وبجى
اني هم سويت مثلة

امير: حبيتها اكثر من امي قدمتلها كلشي بس هي بالعكس كلشي مقدمت الًيَوُمًِ فتحت المخزن وسئلتها بهدوء ليش سويتي هيج بشنو قصرت وياج كوليلي خ ارتاح