السلام عليكم
شلونهم حلوين البلد؟
_________________________
عصام: ها خوش، نزل راسة، والله بلوة
قمر: تعبااانة مااكدر افتح عيوني ابد ،كلمن راح لاهلة بقت خالتي احلام واخواتي وعلي ومحمد وايات
بليل جنت متمددة كعدت نتجيت على الحايط باوعت خلص بابا راح بعد مااسمع صوت ضحكته مااسمع من يجوع ويظل يصيح ويخبصنة حت الرزايل ذكرتها وشتاقيتلها باوعت للكل نايم ردت احضن واحد وابجي اريد يطبطب على كتفي
حضنت نفسي وبجيت بابا شلون هسة انت جوة التراب بابا بعد امي مانسيناها وتموت؟
عيوني ذبلت وريگي نشف كمت شربت مي وتوضيت حت اصلي الشفع والوتر
بعدها قريت سورة الكرسي هديتها لماما وبابا
بس عجيب بعدها لوعة الاشتياق بگلبي
انتجيت على الحايط ضربت خدودي شسوي بعد شسووي شسووي ليش مااكدر اتنفس محتاجتهم واللله محتاجتهم اريدهم ربي
حطيت ايدي على وجهي وشهگت شوية وسمعت باب للهول ندگ
علي ومحمد نايمين بالاستقبال ،كمت اشوف منو
بصوت مبحوح، قمر : شتريد
علي: سويلي جاي مااكدر انام
قمر: بدون مااحجي سديت الباب ورحت اسويلة سويتلي كاكو وحليب لان راسي احسة صار تانكي حت مااكدر اتحرك والشاي ماحبة
رحت قدمتلة الشاي
علي: انتظرتج دكولين شاي
لتروحين قمر خ نسولف شوي
قمر : اجيب الكاكو واجي
رحت جبتة وكعدت يمة بالحوش
باوعتله واني اشرب بدون مااحجي عيوني كالتلة ليش سويت كل هذا؟
علي: قمر اليغلط ويعترف بغلطة لله الله يسامحه فانت تسامحيني واني اعترف مو بس غلطان لٱ كلي غلط من راسي لرجلي
قمر: اسامحك امام الله بس مستحيل انسى
علي: ماعرف شصارلي
قمر: ممكن تسد الموضوع؟
علي: ماشي، دنگ راسة، قمر اني ح اتكفل بيجن لتفكرين
قمر: اني دكتورة لتنسى هالشي ف ان شاء الله اني اشتغل واصرف على اخواتي لي افكر بي انه تدخلون بينة وتظلمونة
منريد منكم شي بس تعوفونة بحالنة مو اقصد متسالون علينة وتعوفونة دايحات اكيد اني كلشي اسوي استاذن منكم قبل لٱ اسوي
لكن هذا مو معناه تشددون علينة على ابو لٱ تطلع عينهن
علي: لٱ اطمئني بس بالنسبة للمصرف حت لْـۆ اشتغلتي تحتاجين اكثر فاني اهتم لكلشي
قمر: هزيت راسي بقبول ورفعت راسي للسماء، تعرف علي؟
جنت ماالبس حجاب اكول هو مثل اخوية الله ميحاسبني هه تالي صرت طليقي، هزيت راسي ،سبحان الله
أنت تقرأ
دكتورة ثم خادمة
ChickLit(مبدئيا القصة واقعيه مع اضافة خيال بسيط) تروي لكِ القصة عن فتاة لٱ تختلف كثيرا عن الفتيات ،ستواجه المجتمع ستواجه الظروف ستواجه مواقف لٱ يمكن نسيانها هذه المواقف التي لابد ان حدثت معكِ وتسائلتي لِمَ لا انساها اليس النسيان بنعمة؟ لِمَ لٱ احضى بهذه ال...
