السلام عليكم ابدا ان شاء الله باسم رب الحجة
_________________________
عام 1997
اخلاص : رجعت من الشغل تُعباُنٌهْـ ووجهي صاير دم دخلت لبيتنه لي يسكن بي 4 اخوان ، محد سمعته كال الله يساعدج لٱ ضحكوا بطريقة مستفزة مدري اني هيج احس گالوا صارت مرة اخلاص وراح تزوج راسا عرفت السالفه ودمعت عيني لان اهلنة من يحجون بسالفة اللزواج ميشاقون لٱ تزوجين يعني تزوجين
دخلت للمطبخ بخنگة كتلهن شكو؟
نورية : اجه حسين ابن اختي بدرية يخطبج هههه وراح تزوجين صفگت
اخلاص: ماعرف اناقش ولا اجادل ابدا ماعلموني اسويهن. رحت من الشباك اباوع عليهم متجمعين ويضحكون اجت عيني على عمي علي اااااخ شگد اكرهكك من قبل 3 سنوات جنت صف رابع وماخالاني اكمل الخامس لٱ بطلني والله شني صرتي مرة، جتت كلش احب الدراسة فمرت 6 ايام او اقل مااذكر بالضبط بس رحت من الصبح للمدرسة كلت لايفصلوني بس شافني من طلعت اجه عليه وين رايحههه؟
_هاا ءاا هنا، ،
بعدني ماكملت لزم ايدي دخلني للاستقبال وضربني راشديات ولان حطيت ايدي على وجهي دارني وضربني بظهري ،
رجعت للحالي كعدت بالكاع ايدي حاوطت رجلي وظليت ابجي ابجي بحركة گلب ويشوفوني محد يكلي شبيج محد يكلي لتخافين ومانجبرج
مشت الايام واحنه متربين على مبدأ هذا ولد وانت بنيه
كلشي مافتهمنة غير انه لآزٍمٍ تزوجين وخلص
وابوي جان عاشك وحده شوفنة نجووم الضهر احنه وامي مرة من المرات جان يم المحروسه فخرية هاي حمرانية وحلوه وكلشي تعرف على عكس امي مجانت حلوه ولا معدلة جانت مبهذلة كلشي متعرف كل لي تعرفه انه تسوي كلشي كلشي مستعدة تسوي بس حت ترضي ابوي وعمامي
ابوي خطبها لان هو سيد واهلة مقبلوا ياخذ فخرية قبل جان لآزٍمٍ السيد للعلويه والعلوية للسيد غيرهن ماكو
فجان مجبور عليها، من اجه لكاها تعجن باوع عليها بكره وحقد عبالك هية السبب گالها گومي ماريدج يمي، باوعت علي امي بعيون مدمعه ومكسورة وطلعت كالتلي جيبي المعجنة والملح وتعالي
ابوي يريدله حجه فكلها عوفيها امي كالتله بس تجيب المعجنة وترجعلك
اجه عليها وكتلها كتلها كتلها لحد ماشبع لحد ماهو تعب وفحط يله عافها فرفحت اني واختي الجبيره والاصغر مِڼـّي منعرف شنسوي
ظلينة نصرخ ونبجي ونكمز يماااااااا يمااااا، بوية فدوه رحتلك عوفها بوية كمنه ناشغ عافنه وطلع وكانه ممسوي شي ولا كاسر گلوب بناته ولا ماذي مرته لي لٱ القانون ولا الدين لي يحجون بي وحاسبين نفسهم مؤمنين يقبلها .
زوجت واني عمري 12 سنة كلشي ماعرف عن الزواج حسين عندة 5 اخوات و6اخوان وعائلة كلش جبيرة مو مال بنية بعمري تكون جنتهم الجبيره بقيت سنتين يلة حبلت ب نرجس وبعدها زينب، قمر، منسة، رقية، واخر العنقود رفقة شفت الويل من الناس
شوفيلج حل موزين الرجال قابل بيج وبعده ممزوج
سوي جدول روحي لدكتورة صخمي
لْـۆ اني منج ولا اكعد
ماشاء الله درزن بنات هههه هسة لْـۆ ولد واحد،،،وغيرهن وغيرهن من الحجايات الي بالكلب ماتنسي ابد ابد .
_________________________
الى هنا ينتهي البارت ، كلولي شنو رايكم؟
عشتوا هيج موقف او شفتوا ناس كدامكم عاشت الموقف؟
اعرف البارت جدا قصير لكن هذه البداية والقادم افضل اكيد وايظا حبيت يكون هالبارت مخصص لام البطله فقط .
ممكن ممكن ممكن تسوون منشن لاصدقائكم ويصير تفاعل للقصة ؟ 🙂❤️
وها همينة علقوا على الاسئلةةة الاكتبها مو تنسون حتى يصير نقاش 🫂🫶
في امان الله وحفظه
لٱ تنسون التصويت عيوني 🫶❤️❤️
أنت تقرأ
دكتورة ثم خادمة
Literatura Kobieca(مبدئيا القصة واقعيه مع اضافة خيال بسيط) تروي لكِ القصة عن فتاة لٱ تختلف كثيرا عن الفتيات ،ستواجه المجتمع ستواجه الظروف ستواجه مواقف لٱ يمكن نسيانها هذه المواقف التي لابد ان حدثت معكِ وتسائلتي لِمَ لا انساها اليس النسيان بنعمة؟ لِمَ لٱ احضى بهذه ال...
