السلام عليكم
_________________________
قمر : فتحت عيني اني بالمستشفى
اخلاص: ها قمورة الحمدلله على السلامة
قمر: الله لٱ يسلمكم، درت وجهي ،طلعوني بسرعةة
حسين: ها شكوو ياستار؟
قمر: بابا فدوة طلعوني بسرعة
اخلاص: يلة حسين روح بسرعة واني يمها
قمر: شوية وطلعنة ابد ماصار حجي بس اليقرا يشوف الكلام بعيوني واضح،
وصلنة للبيت كتلهم رايحة انام اردي بيهم يردون يحجون واني هسة مااكدر اناقش فمينطوني مجال احجي لٱ يطلعوني اني الغلطانة
نمت وكعدت نحجي بالموضوع
حسين: اي بابا سولفي ليش ضربج هالمهتلف هذا
قمر: زين بابا اذا انتوا تدرون بي مهتلف ليش زوجتوني اله
حسين: انت مطي؟ هو اغتصبج يعني اذا مااخذج هو واخذج غيرة شيگول من يشوفج مو بنية
قمر: ماشي لعد خ يطلگنيي وازوج غيرة حيكول مطلقة شيكول يعني
حسين: باباااا احنة مكعدينج حت تحجين ليش ضربج مو تحجين حجي ماصخ ولتعيدين وتصقلين بالموضوع تدرين بية ماحب الملحة
قمر: علاوي كل يوم يضربني ويهيني واتوقع انتوا تدرون بس مسويتوا شي واني طلعتتت روحي كااافي بشر اني مو حيوان يومية غلط سب اهانة ضرب زين ليش شمسويتلك منطيتك كل حقوقك واكثر هم شتريد بعد شتريييد
حسين: كلشي اله سبب واكيد،،
قمر: كل الي صار طلبت منة اكمل دراسة شنو اني مطلعة معدل 97 اكابلة واكعد الناس تتمنى معدل 80 بس واني تعبت وبجيت وسهرت ودعيت كلة علمود هالمعدل تالي يحبسني يمة،زين عوف الدراسة ششايفة منة اني هاي صار فوك السنة كلمة طيبة مااسمع منة
حسين: بابا جان اجيتي وحجيتي ويانه
اخلاص: اندري واحنة بيت عم يعني نكدر نحجي وياه هاي
قمر: سواء حجيتوا وياه او لٱ اني ح اكمل دراسة وما ارجعلة لْـۆ اعرف تذبحوني،
ابوية شمر علية نفاضة
حسين: لج بنت الكلب محد شبيت گلبي بكدج يومية مطلعتلج سالفة كافيييي بسج
قمر: رفعت صوتي، اييييييي م̷ـــِْن ايدكم يعني اخواتي من ميحجون مو معناها قابلات بس يخاافون واني مااخاف هذا حقيي
حسين: اخذوووووووها منيي ماااريد اشوفها
قمر: طلعت اني وامي واخواتي بدون مااحجي، وخاف جان عندي فكرة صغيرووونة احتمال ارجعلة هسة لْـۆ اموت ماارجع
دخلوا امي واخواتي للغرفة اني بقيت بالصالة مابية اسمع كلامهم الماصخ
كعدت على الكرسي هه والله ياربي شافوا اثر البوري يكولون اي لْـۆ جايتنة نحجي احنة لعد والبووووري حت الحيوان هم مينضرب ببوري
اكتشفت انه الم الخذلة اقوى من الم الضربة احس وجع بصدري
اختنكت كلش اريد بس ابجي بس وين اروح دخلت للحمام گبالي حضنت نفسي وظليت ابجي ابجي لحد مانگطع نفسي احس نهضمت
ولكم ليش متوكفون وياي اهه داكولكم ماذيني مو انتوا اهلي واشكيلكم ليش متريدوني ليش بايعيني على حساب المجتمع وتقاليدكم واعرافكم ،سبحت وطلعت راسي موتني وجع عدنه جهاز ضغط قست ضغطي طلع 8 على 3 كلش هابط المفروض 12 على 8
أنت تقرأ
دكتورة ثم خادمة
ChickLit(مبدئيا القصة واقعيه مع اضافة خيال بسيط) تروي لكِ القصة عن فتاة لٱ تختلف كثيرا عن الفتيات ،ستواجه المجتمع ستواجه الظروف ستواجه مواقف لٱ يمكن نسيانها هذه المواقف التي لابد ان حدثت معكِ وتسائلتي لِمَ لا انساها اليس النسيان بنعمة؟ لِمَ لٱ احضى بهذه ال...
