السلام عليكم
ممكن تعلقون على كل فقرة 😔❤️_________________________
رزان: شوفي امير من هو مراهق يحب بنت جوارينة واني اول وحدة عرفت لان هية جانت وياية بالمدرسة فهو مو ينتظرها من تطلع من المدرسة ومن خلال نظراتة عرفت يحبها
طبعا هية بعمرة ،فديوم سئلتة
رزان :امير تحب سما؟
امير : رزان انت اختي وحبيبتي مااريد احد يعرف انت تدرين باهلي شكد مبتعدين عن هالعائلة وحت انت مجرد صداقة وياها ميقبلون مو نوب اني احبها
رزان: اني ابد مااحبها لسما جانت ومازالت متثنعة لابعد حد وكلش خبيثة وتسوي درامات وكومة صفات خايسة وحت دائما اشوفها تباوع لولد
ومن اگولة لامير يگولي بعدها صغيرة بس تكبر متعيدها
قمر: اوووي لعد شگدد يحبها
رزان: مااعرف ح اتخبل لج يموت بيها يعني شكد شافها بعينة شلون تسولف وتضحك وية ولد صحيح يزعل منها بس ماكو يوم ويرجع هو يعتذر تخيلي هههه
قمر: زين مداافتهم اهلج ليش رافضين البنية
رزان: مو امها مطلقة هية الوحيدة لامها وامها هاي فد وحدة مو شريفة كلشش
قمر: استغفرالله يعني شايفين بعينكم لْـۆ شنو
رزان: اني من جنت صغيرة اضوج من يحجون عليها اگول ليش يحجون بشرف المرأة مدااشوف منها شي مو زين بس من كبرت شفت العجايب
يعني لبسها ومكياجها واسلوبها بالبداية من شفتهن كلت يمكن مسيحية وعدهم عادي
بس من كبرت شوية گمت اشوفها تدخل رجال لبيتها اكثر من مرة ومرات نسمع صوت اغاني بالليل وكومة اشياء
ومرة تعاركت وية ابوية اذكر بابا راح لجوارينة اكبر منة وگالة يابة الموضوع هيج وهيج هالمرأة لآزٍمٍ تشيل منا لان هنا تصير سمعة على المنطقة
وراح الرجال وبابا ديحجون وياها بهدوء كلولها هالشي غلط الدنيا خلصانة ومن هالحجي
هية شسوت ظلت تعيط وتفشر لج يمةةةة عزااا بعينها فشااار فشار مو طبيعي نوب سما جابتلها طشت مليان حصو وتضرب على بابا وجوارينة بوقتها اجة حسين وابن جوارينة كتلوها وطلعوا
وامجد واكف على صفحة عيونة دمم ووجهة ازرق اذكر بيومها كعدت لنص الليل لگيتة كاعد بالحديقة صافن بالسماء وعيونة مدمعات عبالك عرف خلاص سما بعد متصيرلة
هو جان دائما يبرر لامها بس هالمرة ميكدر
وبعد ما تخرج امير
امير: بابا اني احبها اللله يخليك لٱ تحرموني منها هي شعليها بامها
رحاب: اني عن نفسي الٱ اموت يلا تاخذها واذا تريد تاخذها لتشوفني وجهك بعد ابد لللموت مااشوفك
أنت تقرأ
دكتورة ثم خادمة
ChickLit(مبدئيا القصة واقعيه مع اضافة خيال بسيط) تروي لكِ القصة عن فتاة لٱ تختلف كثيرا عن الفتيات ،ستواجه المجتمع ستواجه الظروف ستواجه مواقف لٱ يمكن نسيانها هذه المواقف التي لابد ان حدثت معكِ وتسائلتي لِمَ لا انساها اليس النسيان بنعمة؟ لِمَ لٱ احضى بهذه ال...
