يوم الجمعه في بيت اليد تلفون وحده من البنات يرن .. قامت شلت تلفونها ودخلت الصاله الثانيه روحها ردت عليه
عذبه : كم مره قلتلك يا احمد لا تدق علي يوم الجمعه كلهم كانو يطالعوني بنظرات
احمد : شسوي اشتقت لج ابا اسمع صوتج
عذبه ذابت : صدق والله؟ حبيبي والله
احمد : فديت حسج والله
روان دخلت الصاله وقعدت مقابل عذبه ، عذبه عدلت صوتها
عذبه : انزين حمده شو يديدج بعد؟
احمد : هههههه خلتيني حمده حد وياج؟
عذبه : هيه بسولف معاج عقب اوك؟
احمد : اوكييه عطيني بوسه قبل ما ابند
عذبه بندت بويهه وقامت عنها راحت صوب اللمه وقعدت صوب امها
عذبه : امييه متى بنروح حدي مصدعه
ام عذبه : تعرفيني انا ماطلع من بيت ابووي غيير يوم اشبع وانا ماشبعت من اهلي سيري شوفي واحد من اخوانج يردج البيت
عذبه : ياربييه مافيني صبر ابا ارد البيت
قامت طلعت الحووي رايحه صوب الميلس شافت اخوانها مب موجودين تمت واقفه ، ريان شافتها
ريان : بلاج ماده البوز شصاير لج؟
عذبه : ابا ارد البيت وامي مطوله
ريان : تعالي معانا سلطان الحين بيروح وبنسير معاه
عذبه : لا مابا استحي
سلطان مر وسمعها : تستحين مني؟ بصكج طراق ع ويهج والله
عذبه بقرف : ياربييه بعد تبين اسير معاكم
ريان : تعالي ما عليج منه
سلطان : والله تبين تردين البيت تعالي معانا ماتبين خلج مع امج لين اخر الليل
عذبه : اففف امري لـ الله بي معاكم
