سلطان : توني راجع صبري علي بوديج عقب شهر ان شاء الله
مياسه : مايخصني انا ابا اسافر الحين
سلطان : ان شاء الله بشوف الدوام اذا عطوني اجازه هالاسبوع بسفرج
مياسه : ابا اسير جزر ابا اجدد شهر العسل اللي ماصار معاك
سلطان : ان شاء الله عسى بس رضيتي علي الحين؟
مياسه : اممم هيه
ع المسى سلطان دق للدوام و مدد اجازته اسبوع وحجز للمالديف ثلاث ايام وقال لمياسه عسب تجهز شنطتها ، وقت العشى كلهم قاعدين
مياسه : سلطان حبيبي ما رضى يخليني زعلانه عليه "طالعت عذبه بغيض" حجزلي للمالديف ثلاث ايام بنروح نجدد شهر عسلنا
عذبه اتضايقت وتنرفزت وطالعت سلطان ، سلطان تحاشى نظراتها له
روان :واو المالديف بتروحون !! انجووي ياقلبي ان شاء الله تستانسون
ريان : ياحظكم والله ان شاء تستانسون
عذبه قامت عنهم
روان : هاي زعلت واضح "ضحكت بطنازه" قص عليها بالكويت يايه مستانسه والحين بيوديج انتي المالديف صدمه طاحت عليها اليوم عندها حداد لين تردون من السفر
ام سلطان: سلطان من وين طلعت هالسفره الحين؟
مياسه : عمتي شكله مب عايبنج انه بيسفرني !
ام سلطان: لا ليش مب عايبني بس توه راجع من الكويت اباه يرتاح
مياسه : ماعلييج انا بريحه
ام سلطان : متى طيارتكم؟
سلطان : باجر العصر
