عذبه : الحين بيطلع سلطان تعال انت يوم بروح بطلع
احمد : اوك
شووي وطلعوا مياسه و سلطان ، عذبه قامت سارت تلبس شيلتها وعباتها وطلعت راحت ركبت مع احمد و راحوا يقعدون في كوفي
احمد : شوفيج احسج متضايقه حبيبتي
عذبه : لو قلتلك بتعصب علي
احمد : شو سوى لج بعد؟
عذبه : شافني وانا اشيش وصفعني
احمد : انا مادري ليش للحين انتي تامه معاه قلتلج خلعيه ماتبين
عذبه : تبا ابوي يذبحني
احمد : لا تردين عنده
عذبه : وين اروح مالي حد مابا اسير بيت يدي
احمد : تعالي عندي
عذبه : وين قاعدين احمد عسب ايي لعندك مايصير
احمد : عيل تمي معاه لين يذبحج
صوب مياسه وسلطان نزلوا نفس الكوفي اللي موجودين فيه احمد وعذبه ، مياسه شافت عذبه انصدمت ، مسكت ايد سلطان
مياسه : سلطان صح نسيت انا مجربه هالكوفي وموول مب شي شرايك نغير
سلطان : ليش تعالي ندخل
مياسه : لا سلطان تعال ندخل الكوفي اللي حذاله
سلطان : زين اوك يلا
طلعوا و راحوا الكوفي اللي حذاله ، مياسه مصدومه كيف قاعده مع واحد غير سلطان كتبت لروان
مياسه : انا مصدومه
روان : من شو؟
مياسه : من عذبه توني شفتها
روان : وين شفتيها؟
سلطان : تكلمين حد؟
مياسه حطت تلفونها ع الطاوله : لا ولا حد لا تهتم
