احمد ع طول شرد عنه قعد يركض لين اختفى عن سلطان ، صوب مياسه راحت لعند عذبه تصيح ، عذبه شافتها تصيح
عذبه : شفييج ليش تصيحين !!!
مياسه : سلطان طلقني
عذبه انصدمت : طلقج ! ليش مب ع اساس بيطلق عليا ليش طلقج انتي؟
مياسه : طلقني وبيطلقج انتي سلطان طلع يعرف كل شي هو وعليا
عذبه توترت وخافت : كيف عرف؟
مياسه : ماعرف
عذبه : انزين خلينا نروح من هني بسرعه خ نرد البيت
طلعوا مع بعض و روحوا بدون مايشوفهم سلطان ، فالبيت كلهم موجودين سلطان دخل
سلطان : عذبه .. وينها عذبه
ريان : فوق
صعد عندها فوق دخل لعندها كانت تمثل انها تعبانه من الحمل
سلطان: انتي شو اللي سويتيه مع مياسه؟
عذبه : سلطان تعبانه بطني يعورني
سلطان يحاول انه مايهتم : قوليلي شو اللي سويتي
عذبه تصرخ : سلطان مب قادره اتحمل الالم بموووت
سلطان خاف عليها قرب لعندها : ليش يعورج ! اوديج المستشفى
عذبه : هيه ماقدر اتحمل اكثر
سلطان : اوكييه قومي
عذبه : ماقدر
سلطان : قوومي حاولي ماقدر اشلج اخاف اضره
عذبه تسوي عمرها تعبانه ومب قادره تمشي سلطان يالعندها تساندت فييه طلعوا نزلوا تحت
سلطان : نحن بنسير المستشفى عذبه تعبانه
عليا : وانت صدقت انها تعبانه تمثل علييك
عذبه تمثل التعب : سلطان يلا امش الالم كل ماله ويزيد
