ام سلطان : ها واثق فيها الحين؟
سلطان : ان شاء الله تكون قد الثقه
الخدامه راحت تصعد الدري مياسه شافتها وراحت وراها شافتها تدخل عند عذبه عطتها الكيسه وطلعت
مياسه : لامك عيل
نزلت تحت تقعد معاهم ، صوب عذبه شلت الكيسه شلت الكرت اللي داخلها
سلطان : اتمنى تكونين قد الثقه اللي عطيتج اياها الحين .. سلطان
عذبه ابتسمت وبطلت الهديه وشافت الايفون ومعاه رقم يديد ، نزلت تحت شافته قاعد حول اخوه سعود راحت لعنده مسحت ع خده
عذبه : انا قد الثقه حبيبي
سلطان ابتسم لها مسك ايدها وقعدت حذاله ، مياسه بتموت بداخلها قاعده ريل ع ريل وتهز ريلها
ريان : مياسه وين وصلتي؟
مياسه : انا سرت مكان عسب اوصل له؟
ام سلطان يت لعندهم : عاد اليوم طابخه الاكله اللي تحبه عذبه من ايدي يلا حياكم ع العشى
روان : وشمعنى امييه اليوم طابخه لها
ام سلطان : انتو ما دريتوا؟ عذبه حامل
مياسه انصدمت طالعت عذبه وسلطان ، وانقهرت ف داخلها انها حملت قبلها ، قامت صعدت فوق
روان : مياسه شكلها زعلت
ام سلطان : ليش تزعل هذا نصيب عذبه حملت قبلها لانها حرمته من قبلها
روان : قصدج انه سلطان دوم معاها وساحب ع مياسه
ريان : انا بروح اشوفها
سلطان : خلج انا بسير لعندها
عذبه مسكت ايده : حبيبي ليش تراضيها وانت تعرف انها زعلانه عسبت اني حملت قبلها ع شو بتراضيها الحين
سلطان وقف : عذبه سيري كلي بييج
