روان : سلطان عذبه تقول انك غلطت عليها تكلم خ نسمع صوتك
سلطان طالعه عذبه بكرهه : طلعتني من طوري ماقدرت اتحملها
انصدموا يوم شافوه يتكلم وبنفس الوقت استانسوا عليه
ام سلطان : حبيبي فدييت صوتك اللي حارمني منه ياقلبي انت
عذبه : بسج تفدي ف ولدج دام ولدكم ردت عافيته خلوه يطلقني مب عايشه معاه انا
ام سلطان : شوو يطلقج ! ليش ان شاء الله يطلقج؟ شو هالرمسه اليوم !!
روان : تراها واضحه من البدايه امييه ماتبا سلطان ومغصوبه
عذبه : ابوي غصبني اخذه وانتو تبوني اكون خدامه عنده
ام سلطان : لا حبيبتي محشومه مب خدامه عنده انتي حرمته وبتمين حرمته
عذبه : ما ابيه ولا ابي هالحياه اللي غصبتوني عليها انا مابا سلطان افهموا
روان : سلطان طلقها انا لاعت جبدي منها وهي اصلن ما تستاهلك طلقها وانا ازوجك ع اختياري
سلطان يطالع عذبه : سيري صعدي فووق مابا اشوفج هني
عذبه : مب سايره فوق انا بطلع من البيت
سلطان : اذا ماصعدتي الحين فوق بنشر علومج كلها الحيين
عذبه تنرفزت منه وصعدت فوق قسمهم شلت تلفونها ودقت لاحمد
عذبه : تكلم
احمد : شو؟
عذبه : سلطان اتكلم اليوم ومد ايده علي ومب راضي يطلقني
احمد : شو هذا اتخبل يمد ايده علييج وبعدين زيين يوم نطق شو قالج؟
عذبه : يهددني يخبر ابووي علي
احمد : ليش ماطلقج؟
عذبه : مب راضي ولا بيطلقني يبا يعذبني و اموت تحت ايده
احمد : دامه نطق الحين ومب راضي يطلقج شغلي مخج انتي ودخليه محاكم وارفعي عليه قضيه طلاق للضرر
عذبه : ماقدر ماقدر والله ابوي بيذبحني
احمد : بتمين جي خايفه؟ مابتسوين شي !
عذبه : ساعدني انت شو اسوي والله ماقدر اكمل حياتي معاه
