إدماني القاتل بقلمي / خلود الجيد

الفصل الرابع

 
والد رهف : أيه؟!

أدهم بجديه : عمي أنا شخص جدي جدا  وبحب بنتك رهف من وانا صغير  وأنا جيت أتقدملها علشان حاسس إني عالأقل لازم أخد خطوه وأتقدملها.. وأنا عارف إن بنتك رهف هتقبلني ..!

والد رهف بغضب :  أدهم ياابني متأخذنيش يعني وانت عرفت منين إنها هتقبلك او لأ وعرفت رأيها أزاي..!!!

أدهم  : قابلتها صدفه النهارده  وطلبت إيدها وحبيت اعرف ردها ومرفضتش قالتلي اقابلگ ونتكلم وهي هترد عليا

والد رهف بغضب  : ممكن تكون قالت كده علشان متكسفكش.

أدهم بإبتسامه : طيب ناديها حضرتك وأسألها قدامي مش يمكن موافقه ؟ ..عموما لو رفضتني هتقبل رفضها ده وهمشي..

والد رهف بإنزعاج : خليك ثانيه هنا هروح اناديها

والد رهف طلع فوق ودخل قوضه رهف لاقاها قاعده
علي السرير

والد رهف : رهف

رهف : نعم يا بابا ؟

والد رهف : ادهم تحت..،، وجاي  هنا يتقدملك

رهف وقفت فجأه من علي السرير  وعنيها كانت بتلمع  من الفرحه وأبتسمت وقالت لباباها

رهف بإبتسامه : بجد يابابا

والد رهف بحزم : رهف انتي هتنزلي معايا دلوقتي وهترفضيه أنتي فاهمه؟

رهف بصدمه : أيه يابابا اللي انت بتقوله ده !
انت حتي مأخدش رأيي..
أنا موافقه عليه يابابا

والد رهف بغضب : وأنا مش موافق

رهف بحزن : ليه يابابا لييه!! أدهم انت عارفه كويس وكمان إبن عم راضي  اللي بيشتغل عندنا من زمان يعني أكيد أنت بتثق في تربيته

والد رهف بعصبيه :  رهف  انا بعمل كده علشان اضمن مستقبلك أنتي لازم تعيشي في نفس المستوي اللي احنا فيه ..
تقبلي تعيشي فالفقر في شقه ؟؟
انا عيشتك هانم هنا في فيلا وخدم واكل وكليات خاصه علشان متتبهدليش تقومي فالأخر تجوزي واحد اقل من مستوانا ؟ انتي اتجننتي ولا جرا في مخك حاجه؟؟

رهف بصوت متحشرج : لا يابابا.. أنا بحبه! أرجوگ وافق عليه

والد رهف بصدمه وغضب : بتحبيه ؟ ازاي ..انطقي

رهف بصراخ : بحبه من وانا طفله ..الحب الطفولي اه مش نضج.. بس انا كبرت علي حبه وبقي حبي في طفولتي ومراهقتي وشبابي وهيفضل حبي حتي لحد شيخوختي انا مش هبطل احبه..

والد رهف ضرب رهف بالقلم ورهف وقعت علي الأرض وصرخ فيها

والد رهف بعصبيه : اخرسي !! سامعه.. انتي تخرسي .. مش هتتجوزيه يعني مش هتتجوزيه جوازك منه يستحيل.. انتي هانم وهتفضلي هانم وهتتجوزي ملياردير مش هتتجوزي أدهم انتي فاهمه.. أنا أدري منك بمصلحتگ