إدماني القاتل بقلمي / خلود الجيد

الفصل الخامس.

والد رهف اتصدم لما شاف بنته بتنزف قدامه ودمها علي الأرض
كان مصدوم ومش مصدق اللي حصل، بيعيط وخايف يخسر بنته بس كان لازم يقوي نفسه ويوديها علي المستشفي، مستناش الأسعاف وشالها وركبها عربيته وخلي السواق يسوق بيهم  لأنه خايف ميتحكمش في العربيه  كويس وهو ماشي

بعد ما وصلوا المستشفي  صرخ علي كل اللي هناك وطلب منهم تروللي بسرعه ودخلوها الطوارئ
والدكتور امر الممرضات والممرضين بتجهيز الطوارئ اللازمه ليها فالحال 

- دكتور  أرجوك انقذ بنتي انا مستعد ادفع  أي تكاليف انت تطلبها مستعد حتي أسفرها برا أي بلد  بس انقذهالي او قولي أعمل أيه  بس تفوق

- أنا هعمل اللي عليا وهعمل واجبي كـ دكتور.. بس بنتك دلوقتي محتجاك انت تدعيلها لأن ربنا الوحيد اللي يقدر يشفيها ويجعلها تقوم بالسلامه أنا مجرد دكتور بعمل بشغلي بس أدعيلها انت تقوم بالسلامه وصليلها ؟  واطمن ..

صحيح دي حاله انتحار هي كانت بتعاني من أي مشاكل او أي ضغوط نفسيه الفتره دي.. ؟

والد رهف سكت وارتبگ والدكتور لاحظ ده وأستأذن وسابه.

والد رهف كان منهار ومش عارف يفكر وراح اتوضي وصلي وقعد يدعي كتير إن رهف تقوم بالسلامه
وكان بيبكي وبيدعي إن بنته تخف  في أقرب وقت

.........................
في بيت أدهم

أدهم صحي من النوم مفزوع ودقات قلبه سريعه وحاسس بنغز ومش مرتاح  فـ حب يكلم رهف ويطمن عليها  فتح الواتس لقا اكتر من تسجيل صوتي..!

سمع الأول والتاني والثالث كان بيسمعه وهو بيجري علي بيتها عايز يطمن عليها وتكون بتعمل فيه مقلب يجننه زي عوايدها
وتقول فالأخر أنها بتحب خوفه لكن متعملش الجنان دهه مش هيستحمل ..مش هيستحمل ابدا بعدها عنه

جري جري كتير لحد ما وقف يرن جرس الڤيلا وهو بياخد انفاسه  المش متلاحقه بسرعه

-مين

- انا أدهم  عايز اكلم الباشا في موضوع يخصنا هو جوه؟؟

- لا الباشا جري بسرعه من شويه علي المستشفي علشان الست الصغيره انتحرت! وبلغني مدخلش حد البيت والغي مواعيده..!

أدهم الدنيا وقفت بيه لحد هنا!
رهف إنتحرت!!
.
.
.

- راحت إني مستشفي إنطق ؟؟؟
- ممنوع..
- انا هبقي جوزها ولو مقولتليش دلوقتي هحبسك انا المقدم/  أدهم راضي الزياد
أنت فاهم انا عايز اطمن عليها.. اخلص أنا مش هأذيگ بس قولي هي راحت أني مستشفي؟!

-مستشفي "………"

أدهم وقف تاكسي وقاله يروح علي العنوان
اللي هو قالهوله

بعد فتره مش طويله وصل أدهم للمستشفي وراح للإستقبال

- عايزه اعرف غرفه المريضه....
- هو حضرتك تعرف المريضه ؟؟