إدماني القاتل بقلمي / خلود الجيد

الفصل السادس

والد رهف كان قاعد برا وباصص علي بنته برا من شباك الغرفه الشفاف..
وشايف أدهم جمبها بينقلها  الدم  من دمه  وشايفه
بيبص علي بنته بحزن وخوف
وقعد يفكر ..،
هل هو فعلا كان أب أناني!!
هل فعلا الشغل والفلوس زحموه في الدنيا عن بنته اللي هي أغلي حاجه عنده !
ولو كان فعلا أدهم مش موجود معاها وبيسندها في كل حاجه كان ممكن يحصل أيه في بنته!!
وياتري كانت هتحكيله برده ولا هتخبي عليه خوفاً منه..!

خرج والد رهف وكان بيمشي في الشارع حاسس بخنقه وضيق نفس في صدره  كان بيمشي وهو مخنوق
وقابله واحد بيبيع دره مشوي

-   أااااه يا دره يااامشوي الدره المشوي الكوز ب٥ج
دره يابيه دره الكوز ب٥ج  تحب تاخد؟

-أعملي واحد..

-مالك يابيه ؟

- أنا أب فاشل !
فشلت أكون أب لبنتي وصاحب ليها ..  كان همي دايماً أكون ليها الفلوس وأهنيها  وهي دفعت تمن ده فاللي عملته حرمتها من حاجات كتير أوي كانت بتحبها وفالأخر أنا كنت هخسرها

- هون علي نفسك يابيه.. يكفي إنك بتعترف بغلطك وندمان عليه .. بس أنت حاول تصلح اللي عملته ..
علشان ترجعوا زي الأول ودي بنتك في الأول والأخر هتسامحگ.

- مفيش حاجه هتتصلح مفيش حاجه هترجع زي الأول أنا غبي وفاشل .. أه أه أه حاسس إني بتخنق .

- مالك يابيه في أيه !! ياعااااالم عربيه أسعاف
ألحقووووووناااااا الراجل بيقطع النفس..
.
.
.

................&........

-باباااااا
- رهف أنتي صحيتي ؟! أنتي كويسه ؟
- أدهم أنت جيت هنا أزاي  ..بابا فين..أنا حلمت بيه يا أدهم بابا بيعيط كتير وبيقولي سامحيني!
- اهدي يارهف أبوكي برا ..اهدي  طيب هناديهولك
-ناديهولي بسرعه يا أدهم عايزه اكلمه

أدهم خرج علشان يشوف والدها ويناديه يدخلها وملاقهوش واتخض!
معقول الكلام اللي قالهوله ممكن يكون أثر عليه
أدهم شال الأفكار دي من راسه وحاول يبعدها
وقعد يدور عليه في المستشفي لحد ما سأل الأستقبال وقالوله إنه خرج من شويه!
وده زود شكوك أدهم ومبقاش عارف يقول أيه لرهف..!

أدهم طلع فوق  للدور التاني
ودخل قوضه رهف وسكت

- بابا فين يا أدهم ؟؟!أنطق

- أبوكي مشي من المستشفي ،، متقلقيش زمانه راجع

- لالا مشي أزاي ! مشي ليه ؟!! أيه اللي خلاه يمشي

- أهدي يارهف أهدي خليكي هاديه علشان الكانيولا اللي في إيدك المحلول يدخل جواها كويس أنتي لسه تعبانه ، صح..أنا عايز أقولك حاجه

- أيه؟

-أنا قولت لأبوكي الحقيقه كلها..وحكتله علي كل حاجه كل حاجه يارهف!