90% Cliché

1

"Shit talaga! Kawawa naman si Eli!" biglang sigaw ni Nicole.

Napangiwi ako at binato siya ng unan. Natawa ako nang tumama iyon sa mukha niya.

"Ano ba bra?!" angal niya.

"Eh ba't ba kasi ang ingay mo?" tanong ko at nagpatuloy sa pagtitipa sa laptop.

Tumihaya siya ng pagkakahiga.

"Do you remember Yinyang?"

Kumunot ang noo ko.

"The writer?"

Mabilis siyang tumango.

"Yes. 'Yung idol natin since high school pa na writer. May bago kasi siyang update and it's just so tragic! Grabe!"

Binato ko siya ng tissue. Kinuha niya iyon at pinunasan ang luha niya.

"I envy you. May oras ka pang magbasa," ani ko.

"Ba't ba kasi iyan ang napili mong business. We graduated HRM and yet you're building furnitures!"

Umirap ako.

"Well, hindi ko naman alam na may talent pala ako rito. But hey! May labing isa kang popular coffee shops pero hindi ka man lang nagtatrabaho. Just wow!" I sarcastically remarked.

"Para saan pa ang mga nahire ko kung ako lang din ang magtatrabaho? Besides, I'm just taking a rest bago ko talunin ang Starbucks na iyon. Livres et Cafe will surely win," pagyayabang niya.

I snorted. Nicole will never change.

Tumunog ang cellphone ko. Mensahe galing sa assistant kong si Claudia. Aniya'y nagkaproblema sa isang factory. I quickly told her to fix it.

Ibinaba ko ang laptop sa lamesa at minasahe ang sentido. I better take a rest.

"Oh so ano ba kasi 'yang iniiyakan mo riyan?" usisa ko para malibang kahit papaano.

Excited siyang umupo mula sa pagkakahiga sa kama at hinarap ako.

"Well you see, 'yung bagong story kasi niya is about forbidden love. Mare nako! Si Sylvia kasi 'yung bidang girl! And then she's been together with Joe since high school. Kaso naman hindi pinaparamdam ni Joe na mahalaga siya. And everytime na aayaw na siya, liligawan siya ni joe. Ayaw siyang pakawalan!"

"Magpunas ka nga muna ng luha mo!" sabi ko sa kanya sabay tawa.

Tumawa rin siya habang nagpupunas ng mukha. Nakuha pa niyang suminga.

"So ayun na nga. Alam kasi ng lahat na sila na magkakatuluyan in the end kaso Sylvia met Eli. Si Eli kasi nagustuhan siya sa unang tingin pa lang. Everytime na may away sila ni Joe, tinutulungan siya nito. Eli would do anything for Sylvia. Pero ang catch kasi is magkaibigan pala si Eli at Joe!"

"Oh that's harsh," komento ko bigla sabay ngiwi.

Hinampas ni Nicole ang unan.

"'Di ba? Ang saklap! So 'yun ang plot ng story. Eli wants Sylvia. Sylvia can't pick Eli because of Joe. Joe wants Sylvia too. He's obviously using his illness to get Sylvia! Ang daya! Nakakainis!"

"Pretty tragic," ani ko.

Suminghot si Nicole at humiga ulit sa kama. Nilaro ko ang buhok ko habang tinitignan ang cellphone.

"Ikaw ba? What would you do if you were Sylvia?"

"Hmm?"

"Eli or Joe?"

"Wala."

"Huh? Bakit naman?"

"Probably because hindi ako si Sylvia at hindi mangyayari 'yun sa'kin," sabi ko lang at tumayo na. "Mag-grocery lang ako."