نبدأ
أدركت في وقتٍ لاحق أن الفراق لم يعد عقابًا قاسيًا كالسّابق، لقد أصبح القلب معتادًا على الأشياء التي تخلّت عنه دون أسبابٍ تذكر. وكلّما قَابَلتْهُ موجة فراق شديدة، قابلها ببرودٍ جارِف.
-
سيدرا: بنتى مالهااا يا سيرين
سيرين: معرفش يا سيدرا دا اللى مراد قاله وقفل المكالمه ومش عارفه اوصله
سيدرا: ريهام خدى البنات وروحوا مش عايزه حد هنا نهائي
ريهام: اهدى يا سيدرا بس وان شاء الله هتكون كويسه
سيدرا: متقوليش اهدى يا ريهام بيقولك بنتى بتموت وانا قاعده هنا يلا يا مش عايزه حد هنا
ايسيل ببكاء: وانا يا ماما
سيدرا: روحى مع خالتك لحد ما سليم ما يرجع يلا
ايسيل: بس انا عايزه افضل معاكى
ميرا: يلا ايسيل يا حبيبتي اسمعى كلام ماما
خرجوا جميعا تاركين تلك الام الجريحه ورائهم لا يعلمون بحالها وهى لا تعلم بحال فلذه كبدها تفصل بينهم مسافات وبلاد وهى تجلس هنا
استقلت سيدرا طائره خاصه بالجيش المخصصه لنقل الاحتياجات للمعسكر جالسه هناك وعقلها في مكان اخر
..............
المعسكر
بعد مرور ست ساعات توقف فيها قلب كرما عن نبض ثلاث مرات والاطباء عاجزين عن مساعدتها يجلس الجميع في حاله لا تسر عدو ولا حبيب اخ جريح وعشيق مدمر واب فلذه كبده تصارع الموت وليس بمقدرته سوا الجلوس بعد مده ليست بقصيره يدخل حازم اليهم ملقي التحيه العسكريه
حازم: الطياره المساعده وصلت المطار قدمهم نص ساعه ويكونوا هنا بس فيه مشكله
ريان: في ايه يا حازم
زين: سيدرا معاهم صح
حازم: للاسف اه
زين بغضب: انا قولت مليون مره محدش يعرفهم مين اللى قال
مراد: لميس عرفت الخبر وهما اتصلوا واطريت اقول
زين: يعنى ايه اطريت دى يا مراد
ريان: خلاص يا عمى اللىحصل خلينا نفكر بس دلوقتى هنتصرف ازاى
زين: دى ملهاش حل سيدرا عرفت انى خبيت عليها مش بعيد تيجى تنيمنا كلنا جمب كرما مقدمناش غير اننا نستنا ونتمنى ان اللى قالها مدمرش الدنيا
جلسوا جميعا بانتظار سيدرا فهى الان مثل قابض الاروح الذى اذا غضب سوف يفترشون قبورهم الليله جميعا
بعد نصف ساعه
قدمت سيدرا ترتدى ملابسها العسكريه ووقف الجميع مقدمين لها التحيه العسكريه بما فيهم مراد وسيف مرت من امام زين ووقفت امامه وان كانت النظرات تقتل لكانوا جميعا صرعا الان ثم تخطته ذاهبه الى الطبيب المشرف على حالت ابنتها
سيدرا: انا الفريق اول سيدرا نصار والدت كرما عايزه اعرف حالتها كويس
اسر: اتشرفت بحضرتك دكتور اسر منصور الحاله متأخره جدا زاى ما قولت لزين باشا رأتها مدمره لان الحجر لما وقع على صدرها كسر ضلوعها وبتالى اخترقت الرئه عندها نزيف في الدماغ اثر الخبطه واستأصلنا الطحال وجزء من البنكرياس وعندها كليه على وشك انها تدمر انا مقدرتش غير انى اخلى حالتها مستقره لان المكان لا يسمح باجراء عمليه خطيره زاى دى ولا الادوات
سيدرا: نقدر ننقلها في ابطياره بعد اد ايه
اسر: 24 ساعه
سيدرا: منقدرش نخليها اقل من كدا
اسر: نقدر لو هتتنقل بطياره مجهزه غير ان لازم يكون في انتظارها فريق عمليات للتدخل السريع غير فريق معاها على الطياره في حاله اى اضرار ولازم تكونى المسؤله عن اى حاجه ممكن تحصلها وتخلينا مسؤليتنا
سيدرا: جهز الاوراق المطلوبه هنسافر بعد ساعتين
اسر: تحت امرك
