العروس البديلة

13

مقعمزه تقرض في السلاطه للغدي وتهدرز هي وعزوزتها

سعاد : بعد غذوا بنمشوا كلنا للمزرعه حنه يوسف مدايره عزومه على خاطرك غادي تعرفي قداش ليها تبي تعزمك ومسخرش الحال الا توا باش توتي روحك

ابتسمت ليليا : سلمها ...ان شاء الله به ....أنوار مش جايه اليوم استحشنا أمير

سعاد : والله مندري عليها هكي هي بدت فجاة نلقاها تجي معاش عندها مواعيد زي قبل

~~~~~~~~~~~~~~

في مكتبه البيرو بين يديه يلعب بيه بين صوابعه ويشبح للباب عمره ماحس نفسه مغلول زي اليوم وهوا يستنه في حضرتها أمته تشرف

طق الباب بهدو حط البيرو لوطه على المكتب : ادخل

خشت بإبتسامة واسعه وضحكة من الطق لطق سنونها يبانوا سكرت الباب وبخطوات سريعه وصلت لعنده : حبيبي وسيفتي كنت عارفه انك مش حتسيبني على خاطرها كيف حطبس تبوس خده الملتحي شدها من يدها وبعدها من عليه دفها بعيد

يوسف :واني يلي كنت نقول كيف بسهوله هاذي تقرب مني بعد ماتزوجت و وليت راجل اختك طلع عندك سوابق

لينا بملامح تزيف : كيف

يوسف ناض وقف : مش هربتي مني لغيري

لينا ضحكت : يوسف شن تقول انت

يوسف : خلي نفكرك باسمه : عبد الرحيم او عبد الرحمن تقريباً

ملامحها تجمدت بس ضحكت بهزوة : شن قصدك يوسف. من عبد الرحيم هذا

ناض وقف بكل عضب يشد فيها من رقبتها يخنق فيها : انت اكثر واحده تعرفي ان غضبي سئي ليك وليا تعرفي ان منتحملش من يتحايل عليا منتحملش الخاين في حياتي وانتِ شن درتي درت كل شي اني مانبيشي .....كيف سمحتلي لفيتك تخونني بعد كل شي درتهولك ولعد سنين طويله هااا

كان يزيد يضغط على رقبتها وهي كانت تحاول تفك نفسها وهوا كان يزيد : كيف سمحتلي لنفسك تكلمني واني متزوج اختك ولا كذبتي والفتي قصة واخراج منك انتِ صار خطفوك وعساس ركبولك حاله نفسيه خلتني نحس بالهزوة على نفسي واني نصدق في ***** ونخلي في روحي زي ****** كيف تجرتي تمسي راجل تاني وانتي على ذمتي معناها سنوات حبي ليك كله كان كذب

كانت تنخنق الهواء نحبس من رئتيها متقدرش اطلعه او ادخله وهوا كان يزيد يخبط فيها على الحيط :شو طينت *****تي كيف حبيت واحده خاينه ******زيك اسمعيني من هنى لجاي مزال نشبح ظلك في طريقي ولا طريق مرتي صدقيني مش حنرحمك يا لينا توا بس حنسيبك على عيون مرتي وصلة الرحم يلي بينكم غير هكي والله العظيم حتشبحي مني شي مايسرك ابدا

فتح الباب بوه كان جاي مخلوع وهوا يسمع في صوته العالي سكر الباب بسرعه وهوا يجري يشد في يد يوسف من عليها : يووسف سيبها يوسف متخلنيش نعضب عليك سيبها