البارت يحتوى على الاخطاء الاملائية بسبب الطلب الكبير على هذا البارت لم يكن لذي الوقت لتصحيح
_____________________________________
نعتقدوا دائما ان لما نكونوا طيبين ونتعاملوا بالاصل الناس حترد المعروف ديما
عايشين بمبداء الدنيا دواره وننسوا ان كل شي بيد ربي احياناً يحرمنا من شي نبو لمصلحتنا واحياناً يعطينا شي مانبوشي لان يعرف خيرتنا في هذا الشي والانسان ديما مش راضي في الاول ويعتقد ان حيكون سعيد في شي يلي هوا يبي بس .... بس الدنيا لو كانت كيف مانبو مكانش حيكون في جنة ونار
مر سنتين من يلي صار لي ليليا ولو تبو تعرفوا حياتها كيف ولت وين مكانها ماحد حيتوقع ......
تركيا - اسطنبول - شارع نشانتشي
في احدى المحلات كانت واقفه قدام المرايا والقفطان ملفوف حوالين جسمها شعرها القصير القصلي طال لنهاية ظهرها خدودها زادوا طلعوا بسبب زيادة 5 كيلو من وزنها طلعت من حجرة القياس باش توري القفطان: شن رايك
كان مقعمز على الكنبة الخارجية يستنه فيها لحيته طوالت وشعره مصصفه للخلف وعضلاته زادوا زاد جمال فوق جماله صفر وهوا يشبح فيها بالقفطان الاحمر : محلتي القفطان
تلفت للمرايا : ولا لكن حسيت كان فتحت الظهر متعه هلبا نازله شن رأيك ؟
كان يمسح على لحيته : لالا قنين بعدين شعرك مدرق
تلفتله بتضيق عيونه متع كلامك صح : هممم صح كنت ناويه ندير شعري فوق لكن توا نديره مموج وخلاص
قربت منه وهي تعطي فيه بوسه على شفايفه بعدين كشرت : اني لحيتك بدت اضايق فيا دور من يبوسك
خشت حجرة القياس وهي تتدعي الغضب منه لان ديما اضايق فيها لحيته
اما وهو هز رأسه بضحكة عليها وهي ديما تناشب فيه شروا القفطان ومشت للمحل يلي بعده تشوفله في كعب وشنطة يمشوا معه وكان طول مشوارهم حلو هلبا بعد ماخدت كل شي ناقصها قرروا يمشوا يتعشوا في مطعهم المفضل
يوسف وهوا يسكبلها في الاكل في صحنها: مستعده ترجعي لليبيا ؟
قامت عيونها فيه تشبحله : بصراحه لا بس خلاص لامته بنقعد نهرب لازم ناخد الخطوة هاذي
حطلها الصحن قدامها وشد يدها : كل شي حيكون بخير متخافيش في ناس هلبا غادي يستنوا فيك
ابتسمت وهي تمسح على يده بصبعها : معاش نبي حد الا انت
جبد يدها وباسها : حنمشوا غادي فترة العرس وحنرجعوا كله كله اسبوع متحطيش في بالك
ابتسمتله وهزت رأسها ولهوا هما الزوز ياكلوا وكل واحد دماغه يفكر
أنت تقرأ
العروس البديلة
Romanceصوت عياط امي وراي وهي تخبط على رجليها .....عماتي يلي يلبسوا فيا البودري بوجه اصفر و واحدة منهم تزغرط ....خالتي مقعمزه إدربك وتبي تعيشني الفرحة وخالتي التانية تغنيلي واني حاسه نفسي وسط دوخة مش قادرة نطلع منها ملامحي جامدة في الصدمه وقلبي يضرب كاني...
