قربت منه عشان تسمع لقته بيقول - اجيلك ازاى انا لسا سايبك امبارح .. مش هعرف اجى انهارده مش هتفرق من يوم .. هشوف اقفلى
اتصدمت ودمعت عينها من ما سمعته مشيت قبل أن يراها، سمع يحي صوت لف ملقاش حد تسائل أن كانت روح واقفه هنا .. تنهد ومشي راح الاوضه وغير لبسه
- رايح فين
قالتها روح بتساءل بصلها وقال - محتاجينى فى الشغل ولازم اروحلهم
عرف انها زعلت قرب منها وقال - معلش يا حبيبتى هعوضهالك
لم ترد عليه وبعدما انتهى وذهب واصبحت وحدها سالت دمعه من عينها وهى تتذكر ما قاله
- مين دى إلى كنت بتتكلم معاها يا يحي .. مين إلى لسا سيبها امبارح وعيزاك تروحلها تانى
كانت تتالم حائره تضع له أن ممكن بالفعل مكالمه لشغله بس ازاى .. وإلى سمعته ده يبقا اى .. معقول يحي يكون بيخونها
كانت مخنوقه قررت انها تخرج لبست وكلمت نرمين وأنهم يخرجو ووافقت وقعدو فى كافيه
- اخيرا قررتى تخرجى أنا قولت البت متوحده
مرديتش روح استغربت نرمين من شكلها والحزن ده قالت- مالك يا روح
- ماليش
- ده انتى صوتك باين عليه انك هتعيطى
دمعت عين روح فهى لا تستطيع أن تتحكم فى مشاعرها اخذت نفسا عميقا تخفف من حراره عيناها قالت نرمين - قولى يابنتى فى اى
- مضايقه اوى حسا انى مخنوقه
- من أى
- فاكره لما سألتك لو حد اتغير معاكى اى السبب
- اه
- حاسه انك كان معاكى حق .. حسا انى عرفت السبب انهارده وحاسه انى بظلمه من شكى فيه تانى .. مش عارفه اعمل اى
- جوزك مش كده .. يحي ؟
بصت لها روح بشده قالت - اه
- وانتى حاسه با أى يا روح
استغربت ومكنتش فاهمه نبرته صديقتها إلى تنهدت وقالت
- مكنتش عايزه اقولك بس انا .. مره شوفت يحي كنت مع اخويا فى مشوار لقته خارج من مطعم بس مكنش لوحده
استغربت روح جدا وقالت - كان مع مين
- واحده كده مقصدش حاجه بس كانت باينه أنها مهمه وكده .. قولت ممكن تكون قريبه أو واحده أنتى تعرفيها أو شغل عشان رجال الأعمال شغلهم متوسع يعنى وكده .. بس حالى فضول ابحث عنها ولقيت أنها 'ساندى بدر '
اتصدمت روح لنا سمعت الاسم وقالت - ساندى؟
- اه كان فى مشروع جواز مبينهم قبل كده صح .. ده إلى استغربته من وجودهم مع بعض وخروجهم من مطعم
دمعت عينها وهى مش مصدقه إلى بتسمعه هل تقول ساندى .. الم يخبرها من قبل أنه لا يهتم بها .. هل معقول أنه له علاقه بساندى ويخدعها .. هل يخونها .. الشك يبدأ فى الدخول لقلبها من جديد .. بل نار تحرقها قالت - ومقولتليش ليه يومها
- مكنتش عايزه اسببلكو مشاكل ممكن أنا فاهمه غلط ولما سألتك قولتى انك بتثقى فيه .. مقصدتش حاجه والله بردو شوفتهم مع بعض مش معناها أن فيها حاجه .. اسأليه وهو لو مفيش حاجه هيقولك
كانت روح حزينه قلبها بيوجعها سمعت صوت من تلفونها بصت وكانت رساله فتحتها " تعالى على الشركه لو عايزه جواب لأسالتك "بصت نرمين لروح إلى ملامحها اتبدلت قالت - في ايه .. بيكلمك
خدت التلفون وشافت الرساله بصت لروح وقالت - هتروحى
- اه
قالتها بجمود وهى تأخذ حقيبتها قالت نرمين - ممكن يكون إلى باعتها قصدو يوقعكو مبين بعض .. حسا الرساله فيك اصلا
- فيك أو لا .. ده ميمنعش انى مروحش .. لو مفيش حاجه غلط فأنا هشوف ده بنفسي
أنت تقرأ
روح جحيمى
Aléatoireكان قاتلى هو من احببه قلبى وكأن معالجى هو ذاته من سلب روحى فى يوم وليله انقلبت حياتى راسا الى عقب .. لم اعد تلك الزهرة المتفتحه بل اصبحت كالقتيله التى تعيش فى جحر من العذاب غير مسموح لها بالخروج منه هذا الجحيم التى فرض عليا لكننى لم اختار العيش فيه
