ورود : اتوقف النزف من عندي وره ما سبحت وارتاحيت رحت بغرفتنا انه ومروة
مروة سوتلي عصير وجابتلي فواكه بس ما اكلت شربت العصير ونمت بحضن اختي وابچي وهي تبچي وياي
غفيت وره فتره گعدت وانه اصرخ عوفني عوفني
حظنتني مروه گالت نامي محد راح يأذيچ
رجعت نمت وما گعدت الثاني يوم
حالتي ساءت كلش گمت ما اروح للمدرسه اخاف
وامي هم تخاف عليه ما تخليني اطلع
صارت بيه حاله نفسيه ضليت دائمآ اتفزز بنومي
واتحلم بهذاك اليوم الاسود
مروة كل مره تسألني منو سوه بيچ هيچ
وانه اگللها ما اعرفه وانكر
عدت سنة على الحادث محد عرف بي
حته اخواتي الكبار ما يدرن
امي وصتنا ما نگول لأحد ويضل هذا الشي سر بيناتنا
ومن چانن اخواتي يسألن اشبيه وليش هيچ انطويت على نفسي وبطلت من مدرستي
امي ادگللهن اخذتها للكشافه وگلتلي عليها نفس ودايسه المغرب
واخواتي ضلن يوميه يوصفلها لو سيد لو كشاف
حته يسويلي شي
وامي تكذب ادگللهن اخذتها وجاي اجيبلها حجابات وادعيه ينرادلها وكت يلله ترجع زينة
ساء وضعي كلش قررت ارجع للمدرسه بلكي اطلع من الحاله الاني بيها
بيوم من الايام اجيت گعدت يم امي وگلتلها
يمه اريد اگلچ شي
ام ورود :ها يمه گولي
ورود :يمه اريد ارجع للمدرسه تعبت والله اذا ابقه بعد اموت اريد اشوف معلماتي واكمل دراسه
ام ورود:يمه نسيتي انتي شصار بيچ شيلي هاي السالفه من بالچ مدرسه ماكو
ورود : لا يمه فدوة والله بعد ما اگدر اشتاگيت المدرستي
امي عافتني وگامت وانه بقيت ابچي
تانيت ابوي الحد ما يرجع من السوگ واگعد احچي وياه
صار وكت المغرب رجع ابوي ومحمد صلو وصبينا العشا وكملنا راح ابوي للديوانيه
رحت وراه لگيته گاعد وحده گعدت ابصفه وبست ايده وگلتله بويه طالبتك بشغله بس كون ما تردني
ابو ورود : اتدللي بويه احچي
ورود : يابه اريد ارجع المدرستي
ابو ورود : يا بويه شگلچ انه من مده اقنع بأمچ
بس هي ما ترضى وحگها خايفه عليچ
ورود: بويه فدوه حاول وياها والله تعبت
واختنگت من گعدة البيت
ابو ورود : خوش بويه انه احاچيها وما يصير خاطرچ الا طيب
گومي سويلي چاي مهيل من ايدچ الحلوة
وانه احچي ويه امچ
راحت ورود للمطبخ تسوي چاي وضلو ابو ورود وامها يتناقشون بخصوص رجعة ورود للمدرسه
ام ورود كانت خايفة كلش ومعارضه هذا الشي
بس ابو ورود قنعها بعد عناء طويل
ورجعت ورود المدرستها
ورود : غيرت طريقي مال مدرسه لأن طريقي القديم چان يطلعني على المحل اللي بي انسلب اغلى شي املكه وهو شرفي
چنت اروح وانه خايفه واتلفت وارجع وانه خايفه
خلصت السادس ونجحت الحمد لله ورحت للاول متوسط عمري صار 14 سنة
ابوي قرر نشيل بغير محافظة يم عمامي اللي چنا منشوفهم ولا نلتقي بيهم الا قليل كلش شافولنا بيت مرتب بعنا بيتنه وعمامي ساعدو ابوي واشترينا البيت الجديد الحمد لله
من شلنا حسيت بديت حياة جديده
طلعت من الخوف والرعب الچنت اعيشه
صارو عندي صاحبات جدد اتعرفت على عمامي وولد عماتي وولد عمامي وبناتهم
عدت الايام والسنين واحنه وضعنا اتحسن الحمد لله
نجحت اختي مروة من الاعداديه وما كملت كليه لأن اتزوجت ابن عمي
انه بقيت ادرس چانو يجون عليه خطابه ورادوني بيت عمي وناس غربه هم چانو يجون
بس ابوي يگللهم بنتي اريدها تكمل دراستها
وهاي المدلله ما انطيها هسه
هذا جان عذر امي وابوي للناس
حته يبقون محافضين على سمعتي وسمعتهم ....
كملت الاعداديه وطلعتلي كلية علوم احياء
من صار عمري20 سنة زاد جمالي صار من يشوفني يتقدملي وين ما اروح يحاجوني هذا فلان يريدچ وهذاك يريد يتقدملچ
وانه ارفض واهلي يرفضون
داومت بالكليه الاجواء چانت كلش حلوة طلاب وطالبات وناس مثقفه
چنت ما اختلط بشباب قاعتنه ابد حته سلام ما اسلم عليهم
واتعرفت على بنيه اسمها سوزان هي چانت هم ما تعرف احد بالكليه من داومت
وصرنا صديقات مقربات كلش
وره فتره خطبنا بنت عمتي لأخويه محمد اسمها ساره
بنيه حلوة وصغيره اصغر من محمد ب6 سنوات
محمد جان معجب بيها كلش
وره شهر من الخطوبه اخوي محمد اتزوج سارة
من اجت سارة البيتنه عاونت امي على شغل البيت
وملت عليه الفراغ اللي صار بعد ما اختي مروة اتزوجت
اني چنت من ارجع من الدوام بالليل اسوي العشا واغسل المواعين ومرات انضف واساعدهم بالشغل
بيوم من الايام چنت گاعده وحدي اراجع بالكليه
اجت عليه سوزان
سوزان : لچ هلا ورود وينچ صارلي ساعه ادور عليچ رحت للنادي ماكو انتي رحت للقاعات هم ما لگيتچ
شعندچ هنا بالحديقه بارده
ورود : هلا بيچ جاي اراجع النادي هوسه كل شي ما افتهم گعدت هنا لأن هدوء وعلى الشميسه حلوة
دافيه ماكو برد
سوزان : لج معجبينچ صايرين هواي ههههههه
ورود : خايبه ما تسكتين يا معجبين
سوزان :والله ورود حاچوني عليچ قبل شويه
ورود: 😳 منو حاچاچ عليه وشيريد مني وشگالچ ؟؟؟
سوزان : اشبيچ اشبيچ اهدي 😂😂 تره يردون يتعرفون عليچ ما ياكلونچ
الحاچاني عليچ مصطفى اللي ابقاعتنه يگول معجب بيها حيل واريد اگعد واحچي وياها
ورود : عفيه سوزان يا مصطفى انه حته ما اعرف الولد لا اعجاب ولا بطيخ گليله هي مو مال هاي السوالف
سوزان : لچ انتي مخبله اكو وحده يريدها واحد مثل مصطفى وترفض الا اذا بعقلها شي
مصطفى يصير ابن عميد الكليه ولج البنات ميتات عليه وما معبرهن
وفوگ هذا كله يخبل العيون اوساع وسود واللحيه والشعر يخبلون والجسم طول ورشاقه 😍 اوف قلبي الصغير لا يتحمل
اني اليوم عود حچه وياي عليچ كيفت لأن سلم عليه وحاچاني لو رايدني يمكن اضل ارگص گدامه من الفرحه 😂😂😂
ورود : بلله ما تسكتين شني سالفتچ سوزان تدرين بيه ما احچي ويه الولد ولا اريد يجي يوم واحاچيهم
كلهم چذابين ويلعبون على البنات
سوزان : والله گال اريدها بالحلال بس خلي اعرف منها شويه تفاصيل عن حياتها
ورود : من گالتلي سوزان رايدها بالحلال خنگتني العبره ورجعت بيه الذاكره الهذاك اليوم الحطم كل شي حلو بحياتي اتنهدت وبقيت صافنه
سوزان : ورود وين صفنتي مو جاي احاچيچ والله الولد مثقف وما عنده سوالف بنات
فكري ولچ لا ترفضينه وتتندمين
يتبع.....
وصلو التعليقات لل٣٠٠ اكمل
