သားဖြစ်သူရဲ့ခေါ်သံကြောင့် မဒမ်ဂျန်မှာ ခင်ပွန်းသည်ကို စစ်ဆေးနေရာမှာ အာရုံပြောင်းသွားလေ၏။ မဒမ်ဂျန်မှာ ရယ်ဟွမ်ထံသို့အကြည့်ရောက်သည်နှင့် အကြည့်ကအစနူးညံ့ပျော့ပျောင်းသွားပါ၏။ ထို့နောက် သူမသားမှ ပြောလာမည့်စကားတို့ကို ဂရုတစိုက်နားထောင်နေဟန် ပြလာလေသဖြင့်...
" အိုမား ပါး ကိုအရမ်းမဆူပါနဲ့ အိုမားလဲသိပါတယ် ပါးက အလုပ်ကိုအမြဲတမ်း အလေးအနက်ထားတဲ့သူဆိုတာ... "
ပြောပြောဆိုဆိုဖြင့် ရယ်ဟွမ်မှာ မဒမ်ဂျန် အနှစ်သက်ဆုံးဟင်းလျာများကို တူဖြင့်ညှပ်ကာ မဒမ်ဂျန်၏ ပန်းကန်ထဲသို့ ရွေးထည့်ပေးနေ၏။ အဖေဖြစ်သူကိုကယ်တင်ပေးနိုင်ရန် အမေဖြစ်သူကို ကျိူးကြောင်းစီလျော်စွာဖြင့် သူ ဆက်လက်ရှင်းပြလိုက်သည်။
" ပြီးတော့ သေချာပြန်သုံးသပ်ကြည့်ရင် ကျွန်တော်က သေချာဂရုမစိုက်မိတာပါ။ တကယ်ဆို ပါးက သူ့တာဝန်သူ ကျေပွန်အောင် လုပ်သွားရုံပါပဲ "
သားဖြစ်သူ၏ သူမအပေါ်ပြုစုကြင်နာမှုတွင် မဒမ်ဂျန်မှာရင်ထဲ နွေးထွေးသွားရသော်လည်း သူမဟာ အလုံးစုံစိတ်မချနိုင်သေး။
" အဲ့သလိုဆိုရင်တောင်... "
ရယ်ဟွမ်မှာ ဝံပုလွေပေါက်လေးပမာချွဲကာ ရိုးသားဖြူစင်သောအပြုံးဖြင့် အမေဖြစ်သူအား ပြုံးပြ၏။ သူ၏ပင်ကိုဗီဇနှင့် ဆန့်ကျင်သော နူးညံ့အပြစ်ကင်းသော မျက်နှာထားလေးက မဒမ်ဂျန်ရဲ့နှလုံးသားကို အရည်ပျော်ကျစေပါ၏။
" အိုမား ကျွန်တော် တကယ် အဆင်ပြေခဲ့တာပါ ဒီကိစ္စကပြီးသွားပြီပဲ ကျွန်တော်နဲ့လည်း လုံးဝပတ်သက်တာမရှိလို့ စိတ်ပူဖို့မလိုတော့ပါဘူး "
မဒမ်ဂျန်မှာ ထိုအခါမှ ကြည်နူးစွာ ပြုံးရင်း သားဖြစ်သူကိုငေးကြည့်နေ၏။ ချစ်ကြည်နူးနေကြသော သားအမိတွေကိုကြည့်ရင်း ညီမဖြစ်သူ ဂျန်ရယ်ရီက စားနေရင်းမှ မနေနိုင်စွာဖြင့်ဝင်ပြောလာလေရဲ့။
" အင်းလေ... အိုမားကလဲ တာ့ကောကို ပေးနားလိုက်ပါဦး၊ တာ့ကောကဖြင့် ခုမှပြန်ရောက်တာ၊ ပြီးတော့ပါးကလဲ အမြဲအလုပ်ရှုပ်နေတာနဲ့ တွေ့ဖြစ်တယ်ကို မရှိတာနဲ့...အိုက်ရား စိတ်ရှုပ်စရာတွေမပြောကြရအောင် နော် "
YOU ARE READING
CRIMSON HAIRED「𝙓𝙄𝙉𝙂𝙃𝙊」Omegavese
أدب الهواة" I saw magic in his eyes. Dirty, Dark & Beautiful magic. " Title: CRIMSON HAIRED [XINGHO] Author : Amaryllis Lian Status : 30 Chapters +7 Extra Genere: Comedy, Future Science, M-preg, ABOworld, Paranormal, Dracular, Werewolf OTP: JunXing Starting D...
